Fana: At a Speed of Life!

ኡበር በለንደን እንዲሰራ የተሰጠው ፍቃድ ተነጠቀ

አዲስ አበባ ፣ ህዳር 15 ፣ 2012 (ኤፍ ቢ ሲ) ኡበር የተሰኘው የታክሲ አገልግሎት ሰጭ ድርጅት በእንግሊዟ መዲና ለንደን አገልግሎት እንዲሰጥ የተሰጠውን ፍቃድ ተነጠቀ።

የለንደን የትራንስፖርት አገልግሎት ፍቃድ ሰጭ መስሪያ ቤት ኡበር አገልግሎት ለመስጠት የሚጠቀምበት የሞባይል መተግበሪያ ብቁ ያልሆነና አግባብነት እንደሚጎድለው አስታውቋል።

ይህን ተከትሎም ኡበር ከቀጣዩ እሁድ በኋላ በከተማዋ አገልግሎቱን እንዲቀጥል የሚያስችለውን ፍቃድ አያገኝም ነው የተባለው።

የፍቃድ ሰጭ መስሪያ ቤቱ ዳይሬክተር ሄለን ቻፕማን እንዳሉት ደህንነት ቅድሚያ የሚሰጠው ጉዳይ ነው።

ምንም እንኳን ኡበር በጎ ለውጦችን ቢያመጣም ማንነታቸው የማይታወቁ ሰዎችን፥ ሾፌር ሆነው እንዲቀጠሩ መፍቀዱ አግባብ አይደለምም ነው ያሉት።

ኡበርም በጉዳዩ ላይ ይግባኝ እንደሚጠይቅ ገልጿል።

ድርጅቱ ከዚህ ቀደም በፈረንጆቹ 2017 በተመሳሳይ የሥራ ፍቃዱን መነጠቁ ይታወሳል፤ በወቅቱ የተጠቃሚዎች የደህንነት ጉዳይ ለፍቃዱ መነጠቅ ምክንያት እንደነበር ተጠቅሷል።

ኡበር በጊዜው ይግባኝ ጠይቆ የ15 ወራት ተጨማሪ ፍቃድ ተሰጥቶታል፥ ይህ ፍቃዱ የፊታችን እሁድ የሚጠናቀቅ ይሆናል።

ኡበር በለንደን ወደ 45 ሺህ የሚጠጉ ሾፌሮች ያሉት ሲሆን ፍቃዱ የማይመለስ ከሆነ ሁሉም ሰራተኞች ስራቸውን ያጣሉ ነው የተባለው።

 

ምንጭ፦ ቢቢሲ

You might also like
Comments
Loading...