Fana: At a Speed of Life!

አትሌት ደራርቱ ቱሉ ወደ ኢትዮጵያ ኦሊምፒክ ኮሚቴ ስራ አስፈጻሚ አባልነቷ ተመለሰች

አዲስ አበባ ፣ ጥቅምት 26 ፣ 2012 (ኤፍ ቢ ሲ) አትሌት ደራርቱ ቱሉ ወደ ኢትዮጵያ ኦሊምፒክ ኮሚቴ ስራ አስፈጻሚ አባልነቷ ተመለሰች፡፡

የኢትዮጵያ ኦሊምፒክ ኮሚቴ አስቸኳይ ጠቅላላ ጉባኤውን ጥቅምት 26 ቀን 2012 ዓ.ም በአምባሳደር ሆቴል አካሂዷል፡፡

ኮማንደር አትሌት ደራርቱ ቱሉ በ44ኛው መደበኛ ጠቅላላ ጉባኤ ላይ ያነሳሳቸው ቅሬታዎች ላይ ውይይት መደረጉ እና በቀጣይም በተነሱት እና በሌሎችም ጉዳዮች ላይ የተቋሙን ህገ ደንብ መሰረት ባደረገ መልኩ በውይይት እና በቅርበት ለመስራት ከስስምነት ላይ ተደርሷል፡፡

ይህንንም ተከትሎ ኮማንደር አትሌት ደራርቱ ቱሉ ሀገሯንና ህዝቧን ለማገልገል ወደ ስራ አስፈጻሚ አባልነቷ መመለሷን ማስታወቋን የኢትዮጵያ ኦሎምፒክ ኮሚቴ አስታውቋል፡፡

በዚህ አስቸኳይ ጠቅላላ ጉባኤ ላይ አባላቱ የተቋሙ መቋቋሚያና መተዳደሪያ ደንብን ለማሻሻል የቀረበ ረቂቅ ደንብ ላይ የተወያዩና ተጨማሪ ግብዓት የሰጡ ሲሆን በይበልጥ ረቂቅ ደንቡን ለማብሰልና ለማጽደቅ ለሌላ ጊዜ ለመገኛኘት ወስነዋል፡፡

በዚህ አስቸኳይ ጠቅላላ ጉባኤ ላይ አባላቱ የተቋሙ መቋቋሚያና መተዳደሪያ ደንብን ለማሻሻል የቀረበ ረቂቅ ደንብ ላይ ውይይት የተደረገ ሲሆን በይበልጥ ረቂቅ ደንቡን ለማብሰልና ለማጽደቅ ለሌላ ጊዜ ለመገኛኘት ስምምነት ላይ ተደርሷል፡፡

You might also like
Comments
Loading...