Fana: At a Speed of Life!

አርሰን ዌንገር የጀርመኑ ባየር ሙኒክን ሊረከቡ ይችላሉ እየተባለ ነው

አዲስ አበባ፣ ጥቅምት 27፣ 2012 (ኤፍ.ቢ.ሲ) የቀድሞ የአርሰናል አሰልጣኝ አርሰን ዌንገር የጀርመኑን ባየር ሙኒክ የአሰልጣኝነት ስፍራን ሊረከቡ ይችላሉ የሚሉ መረጃዎች እየወጡ ነው።

ዘ ሰን ይዞት የወጣው መረጃ እንደሚያመላክተው ከሆነ፥ አሰልጣኝ አርሰን ዌንገር ባየር ሙኒክን እስከ ውድድር ዓመቱ መጨረሻ ድረስ እንዲመሩ ነው የታሰበው።

ባየር ሙኒክ ባሳለፍነው ቅዳሜ በፍራንክፈርት የ 5ለ1 ሽንፈት ማስተናገዱን ተከትሎ የክለቡ አሰልጣኝ ኒኮ ኮቫችን ከአሰልጣኝነት ማሰናበቱ ተነግሯል።

ይህንን ተከትሎም የጀርመኑ ባየር ሙኒክ እግር ኳስ ክለብ የአሰልጣኝነት ስፍራውን ለ70 ዓመቱ አርሰን ዌንገር ሊሰጥ እንደሚችል ነው መረጃዎች የሚያመላክቱት።

ባየር ሙኒክ አርሰን ዌንገር በአጭር ጊዜ ኮንትራት ክለቡን እንዲመሩ ፍላጎት እንዳለው የተገለፀ ሲሆን፥ ኮንትራቱን ለአርሰን ቬንገር ማራዘም አልያም ወጣት አሰልጣኝ ማፈላለግ የሚለው ከዚያ በኋላ የሚወሰን መሆኑም ተነግሯል።

አሁን ላይ ላለው ግን አርሰናልን ለ22 ዓመታት በአሰልጣኝነት የመሩት አርሰን ዌንገር በጀርመን ቡንደስ ሊጋ 4ኛ ደረጃ ላይ የተቀመጠውን ባየር ሙኒክን ለመምራት ትክክለኛው ሰው ሆነው ተገኝተዋል ነው የተባለው።

አርሰን ዌንገር በዚህ ጉዳይ ዙሪያ ከባየር ሙኒክ ፕሬዚዳንት ካርል ሄንዝ ሩሚኒገ ጋር በሳምንቱ መጨረሻ ላይ እንደሚወያዩ ይጠበቃል ነው የተባለው።

ፈረንሳያዊው አርሰን ዌንገር ጀርመንኛ ቋንቋን አቀላጥፈው መናገራቸው የባየር ሙኒክ ቀዳሚ ምርጫ እንደሚያደርጋቸውም ነው እየተነገረ ያለው።

ምንጭ፦ www.thesun.co.uk

You might also like
Comments
Loading...