Fana: At a Speed of Life!

አሜሪካ ደቡብ ኮሪያን ከማንኛውም ጥቃት ለመከላከል በሙሉ አቅም ዝግጁ ነኝ አለች

አዲስ አባበ፣ ህዳር 4፣ 2012 (ኤፍ.ቢ.ሲ) አሜሪካ ደቡብ ኮሪያን ከማንኛውም ጥቃት ለመከላከል ሙሉ አቅም እንዳላት እና ዝግጁ መሆኗን ገለፀች።

የአሜሪካ እና የደቡብ ኮሪያ ባለስልጣናት በሴኡል ያደረጉትን ምክክር ተከትሎ በጋራ ባወጣ መግለጫ ነው አሜሪካ ይህንን ያስታወቀችው።

ከፍተኛ የአሜሪካ የጦር ባለስልጣናት በደቡብ ኮሪያ ሴኡል ለዓመታዊ ስብሰባ የተቀመጡ ሲሆን፥ ስብሰባውም ሰሜን ኮሪያ አሜሪካ እና ደቡብ ኮሪያ በጋራ የሚያደርጉትን ወታደራዊ ስልጠናዎችን እንዲያቆሙ ጫና እያደረሰች ባለበት ወቅት ነው የተካሄደው።

የሁለቱ ሀገራት የጦር አመራሮች በጋራ በካሄዱት ውይይት ከደቡብ ኮሪያ ጋር በወታደራዊ ስልጠና እና በሌሎች መስኮች የሚያደርጉትን ትብብር እንደሚያስቀጥሉ ገልፀዋል።

በተጨማሪም በደቡብ ኮሪያ ላይ ከማንኛውም አካል የሚቃጣ ጥቃትን በሙሉ አቅም ለመከላከል ዝግጅት ማድረጓን ነው አሜሪያ ያስታወቀችው።

ምንጭ፦ www.reuters.com

You might also like
Comments
Loading...