Fana: At a Speed of Life!

ትዊተር ከስድስት ወር በላይ ጥቅም ላይ ያልዋሉ አካውንቶችን ሊዘጋ ነው

አዲስ አበባ፣ ህዳር 17፣ 2012 (ኤፍ.ቢ.ሲ) ትዊተር ከስድስት ወር በላይ ጥቅም ላይ ያልዋሉ አካውንቶችን ሊዘጋ መሆኑን አስታውቋል።

እርምጃው የሚወሰደው በህይዎት የሌሉ የግለሰብ አካውንቶችን ጨምሮ ከስድስት ወር በላይ አካውንታቸውን ባልተጠቀሙ የገጹ ደንበኞች ላይ መሆኑንም ገልጿል።

የማህበራዊ ትስስር ገጹ እንዳስታወቀው ረዘም ላለ ጊዜ አካውንታቸው ዝግ የነበረ ተጠቃሚዎች እስከ ፈረንጆቹ ታህሳስ 11 ድረስ መጠቀም ካልቻሉ የሚዘጋ ይሆናል።

በህይዎት የሌሉ ግለሰቦች አካውንት እንዳይዘጋም የግለሰቡ የቅርብ ዘመድ ወይም ቤተሰብ አካውንቱን መጠቀም ይኖርበታልም ብሏል።

የአሁኑ የገጹ እርምጃ የመጀመሪያው መሆኑን ከቢቢሲ የተገኘው መረጃ ያመለክታል።

ለእርምጃው ረዘም ላለ ጊዜ አካውንታቸውን ያልተጠቀሙ ደንበኞች ትዊተር አዲስ ካወጣው የደህንነት ፖሊሲ ጋር አለመተዋወቃቸው ምክንያት መሆኑ በዘገባው ተመላክቷል።

ትዊተር ገጹን በየቀኑ የሚጠቀሙ 145 ሚሊየን ደንበኞች እንዳሉትም ነው ያስታወቀው።

 

 

ምንጭ፦ ቢቢሲ

You might also like
Comments
Loading...