Fana: At a Speed of Life!

ቱርክ በቅርቡ የተገደለውን የአይ ኤስ መሪ እህት በቁጥጥር ስር አዋለች

አዲስ አበባ፣ ጥቅምት 25፣ 2012 (ኤፍ.ቢ.ሲ) ቱርክ በቅርቡ የተገደለውን አይ ኤስ የተሰኘው የሽብር ቡድን መሪ አቡ ባከር አል ባግዳዲን እህት በቁጥጥር ስር ማዋሏን አስታውቃለች።

ባሳለፍነው ሳምንት የአሜሪካ ወታደሮች በሰሜን ምዕራብ ሶሪያ ባካሄዱት የፀረ ሽብር ዘመቻ የአይ ኤስ መሪ የነበሩትን አቡ ባከር አል ባግዳዲ መግደላቸው ይታወሳል።

በወቅቱ ፕሬዚዳንት ትራምፕ ጉዳዩን አስመልክተው በሰጡት መግለጫ፥ የአሜሪካ ልዩ ሃይሎች አል ባግዳዲ የሚገኝበትን ዋሻ መክበባቸውን ተከትሎ ታጥቆት የነበረውን ቦምብ በማፈንዳት እራሱን ማጥፋቱን ተናግረዋል።

በተመሳሳይ አንካራ በትናንትናው ዕለት በሰሜን ሶሪያ አዛዝ ከተማ ባካሄደችው ወታደራዊ ዘመቻ የአል ባግዳዲን እህት በቁጥጥር ስር መዋሏን የሀገሪቱ ባለስልጣናት አስታውቀዋል።

የ65 ዓመቷ ራዝሚያ አዋድ ከአምስት ልጆቿ ጋር በአንድ ኮንቴነር ውስጥ መያዟን የገለጹት ባለስልጣናቱ፥ ባለቤቷ እና የልጇ ባል በቁጥጥር ስር ውለው ምርመራ እየተደረገባቸው መሆኑም ተመላክቷል።

አሁን ላይም ራዝሚያ አዋድ አዛዝ ከተማ አካባቢ በሚገኝ ማረሚያ ቤት  ውስጥ መታሰሯን ባለስልጣናቱ አክለዋል።

የራዝሚያ አዋድ በቁጥጥር ስር መዋልም አይ ኤስ የተሰኘውን የሽብር ቡድን የውስጥ አሰሳርና የደህንት እንቅስቃሴ መረጃ ለማግኝት እንደሚያስችል ተስፋ ተጥሎበታል።

ምንጭ ፦ሬውተርስ

You might also like
Comments
Loading...