Fana: At a Speed of Life!

ብሩንዲ መጠጥ ቤቶች በጊዜ እንዲዘጉ ውሳኔ አሳለፈች

አዲስ አበባ፣ ህዳር 19፣ 2012 (ኤፍ.ቢ.ሲ) በብሩንዲ መጠጥ ቤቶች ላይ ገደብ መጣሉን ተከትሎ በሀገሪቱ የሚገኙ የመጠጥ ቤቶች ባለቤቶች ቁጣቸውን እየገለፁ ነው።

በዋና ዋና የሀገሪቱ ከተሞች የሚገኙ መጠጥ ቤቶች በጊዜ እንዲዘጉ የሚያስገድድ ውሳኔ የሀገሪቱ መንግስት አሳልፏል።

ሆኖም እስካሁን መጠጥ ቤቶች የሚከፈቱበት ሰዓት ላይ ገደብ እንዳላስቀመጠ ነው የተነገረው። ውሳኔው በሀገሪቱ ዋና ከተማ ቡጁምቡራ በምትገኘው ጊቴጋ አካባቢ እና በሰሜን ሙዩንጋ ግዛት ተግባራዊ መሆን መጀመሩ ተጠቁሟል።

የቡጁምቡራ ከንቲባ የእርምጃው ዓላማ ሰዎች የሚጠጡትን የመጠጥ መጠን ለመቀነስ ነው ቢሉም በርካቶች ግን ውሳኔው ከፀጥታ ጋር የተያያዘ ነው እያሉ ነው።

በቅርብ ሳምንታት በዋና ከተማዋ ቡጁምቡራ በሚገኙ መጠጥ ቤቶች ሰዎች በተኩስ መገደላቸው ተነግሯል።

የቡጁምቡራ ነዋሪዎችም የተላለፈውን ውሳኔ የሚያሳዝን ሲል የተሰማውን ቅሬታውን አሰምተዋል።

ሰዎች ውሳኔውን ተግባራዊ ባለማድረጋቸው ሳቢያ ለእስር እየተዳረጉ መሆኑንም ነዋሪዎቹ እየገለጹ ነው።

የመጠጥ ቤት ደንበኞች እና ባለቤቶች በውሳኔው መቆጣታቸውን የገለፀው ሌላኛው አስተያየት ሰጭ፥ የዚህ ምክንያትም መጠጥ ቤቶች እንዲዘጉ የተወሰነበት ሰዓት ሰዎች ከረጅም ስራ በኋላ ራሳቸውን የሚያዝናኑበት ሰዓት በመሆኑ ነው ብሏል።

ምንጭ፡- ቢቢሲ

You might also like
Comments
Loading...