Fana: At a Speed of Life!

በ25 ዓመታት ውስጥ 60 ጊዜ ትዳር የመሰረተው ግለሰብ ለእስር ተዳርጓል

አዲስ አበባ፣ ህዳር 12፣ 2012 (ኤፍ ቢ ሲ) በ25 ዓመታት ጊዜ ውስጥ ማንነቱን በመቀያየር 60 ጊዜ ትዳር የመሰረተው ግለሰብ ጉዳይ አነጋጋሪ ሆኗል።

በባንግላዴሽ ጃማላፑር ግዛት ሾብሃርቻር በተባለው አካባቢ ነዋሪ የሆነው የ45 ዓመት ግለሰብ ማንነቱን በመቀያየር በ25 ዓመታት ውስጥ 60 ሴቶችን ማግባቱ ተነግሯል።

አቡ ባከር የተባለው ይህ ግለሰብ ጋብቻውን ለመፈጸም የተለያዩ ሀሰተኛ ማስረጃዎችን ሲጠቀም መቆየቱ ነው የተነገረው።

በሚያቀርባቸው ሀሰተኛ መረጃዎች ውስጥም ትክክለኛ ስሙንና አድራሻውን አያስቀምጥም ነው የተባለው።

በዚህ መሰረት ለ25 ዓመታት ያክል ይህ ድርጊቱ ሳይታወቅበት 60 ሴቶችን በማጭበርበር ትዳር መመስረቱ ተነግሯል።

በዚህም በአጠቃላይ ሰባት ልጆችን በተለያየ ጊዜ ካገባቸው ሚስቶቹ መውለዱን የዜናው ምንጭ ያስረዳል።

ይሁን እንጅ አቡ ባካር ለ60ኛ ጊዜ ያገባት ሚስቱ ሰሞኑን ለፖሊስ በሰጠችው ጥቆማ መሰረት በቁጥጥር ስር መዋሉ ነው የተነገረው።

 

ምንጭ፦www.dhakatribune.com

You might also like
Comments
Loading...