Fana: At a Speed of Life!

በዴሞክራቲክ ሪፐብሊክ ኮንጎ በኩፍኝ ወረርሽኝ  የ5 ሺህ ሰዎች ህይወት አለፈ

አዲስ አበባ፣ ህዳር 12፣ 2012 (ኤፍ ቢ ሲ) በዴሞክራቲክ ሪፐብሊክ  ኮንጎ በተያዘው የፈረንጆች ዓመት በኩፍኝ ወረርሽኝ 5 ሺህ የሚደርሱ ሰዎች ለህልፈት መዳረጋቸውን የሀገሪቱ ባለስልጣናት አስታውቀዋል።

ከዚህ ባለፈም ወረርሽኙ በመላው ሀገሪቱ መዛመቱን ተከትሎ ወደ 25 ሺህ የሚጠጉ ሰዎች በበሽታው መጠቃታቸው ነው የተገለጸው።

የዓለም ጤና ድርጅ ት በበኩሉ በሀገሪቱ የተከሰተው የኩፍኝ  ወረርሽኝ  በሽታ ከመቼውም ጊዜ በበለገጠ  በፍጥነት የሚዛመትና አስከፊ መሆኑን ገልጿል።

የሀገሪቱ መንግስት እና ዓለማቀፉ የጤና ድርጅት በጋራ በመተባበር  ካሳለፍነው መስከረም ወር  ጀምሮ 800 ሺህ ለሚደርሱ ህጻናት ክትባት ለመስጠት  እንቅስቃሴ መጀመራቸው ይታወሳል ።

ይሁን እንጂ   የመሰረተ ልማት አለመሟላት፣  በሀገሪቱ የሚስተዋለው አለመረጋጋትና  በቂ የጤና አገልግሎት መስጫ ተቋማት አለመኖር  የክትባት ስራው ውጤታማ አለመሆኑ ተመላክቷል።

በሀገሪቱ እስካሁን 4 ሚሊየን የሚደርሱ ህጻናት የኩፍኝ ክትባት የተሰጣቸው ሲሆን ፥ ይህም መከተብ ከሚገባቸው ሰዎች ግማሹን ብቻ ተደራሽ ማድረግ መቻሉን ባለሙያዎችተናግረዋል።

በሀገሪቱ ኩፍኝ በሽታ ህይወታቸው ያለፉት ዜጎች ቁጥር  ባለፉት 15 ወራት  በኢቦላ ህይወታቸው ካለፉት ዜጎች ጋር ሲነፃፀር በሁለት እጥፍ ማሻቀቡ ተነግሯል።

 

ምንጭ፡-ቢቢሲ

You might also like
Comments
Loading...