Fana: At a Speed of Life!

በዓለማችን ረጅም እድሜ ያስቆጠረ ትዳር ያላቸው ጥንዶች

አዲስ አባበ፣ ህዳር 3፣ 2012 (ኤፍ.ቢ.ሲ) በአሜሪካዋ ቴክሳስ ነዋሪ የሆኑት ጥንዶች ረጅም ዓመት በትዳር በመቆየት በሚል አዲስ ክብረ ወሰን በእጃቸው ማስገባታቸው ተሰምቷል።

ጆን ሄንደርሰን የ106 እንዲሁም ባለቤታቸው ካርሎት ሄንደርሰን ደግሞ የ105 እድሜ ባለፀጋ ሲሆኑ፥ እድሜያቸው እንድ ላይ ተደምሮ 211 ነው ተብሏል።

በዚህም 211 ዓመት በሆነ ድምር እድሜ ባለረጅም እድሜ ጥንዶች የሚል ክብረ ወሰን ያገኙ ሲሆን፥ አንድ ላይ በመሆንም 80 ዓመታትን በትዳር አሳልፈዋል።

ጥንዶቹ ረጅም ዓመታትን ባስቆጠረው ትዳራቸውም ስማቸው በዓለም የክብረ ወሰኖች እና ድንቃድንቅ መዝገብ ላይ መስፈር መቻሉ ነው የተነገረው።

በመካከላቸው ያለው ፍቅር እንዲሁም አንዳቸው ለአንዳቸው ያላቸው መተሳሰብ ለዚህ እንዳደረሳቸውም ነው የሚናገሩት።

ምንጭ፦ www.upi.com/Odd

 

You might also like
Comments
Loading...