Fana: At a Speed of Life!

በወልድያ ዩኒቨርሲቲ ተፈጥሮ ከነበረው የፀጥታ ችግር ጋር በተያያዘ 13 ተጠርጣሪዎች በቁጥጥ ሥር ዋሉ

አዲስ አበባ ፣ ህዳር 1 ፣ 2012 (ኤፍ ቢ ሲ) በወልድያ ዩኒቨርሲቲ ተፈጥሮ ከነበረው የፀጥታ ችግር ጋር በተያያዘ የተጠረጠሩ 13 ሰዎች በቁጥጥር ስር መዋላቸው ተገለጸ።

የወልድያ ዩኒቨርሲቲ የኮሙዩኒኬሽን ጉዳዮች ዳይሬክተር አቶ ተፈራ አስናቀ እንደተናገሩት፥ ዩኒቨርሲቲው ከትናንት ጀምሮ በተረጋጋና ሠላማዊ ሁኔታ ይገኛል።

ተማሪዎችም እንዲረጋጉ በየደረጃው ውይይቶች መደረጋቸውን ጠቅሰው፥ ውይይቱ ዛሬም መቀጠሉን ተናግረዋል።

የዩኒቨርሲቲውና የከተማ አስተዳደሩ ከፍተኛ የሥራ ኃላፊዎች፣ የሀገር ሽማግሌዎችና የሃይማት መሪዎች፥ ተማሪዎችን እያወያዩና እያረጋጉ ወደ መደበኛ የመማር ማስተማር ሥራ ለመመለሥ እየጣሩ መሆኑንም ነው የተናገሩት።

ድርጊቱ አሳዛኝና ያልተጠበቀ መሆኑን ያነሱት ዳይሬክተሩ፥ በዩኒቨርሲቲው ከመጀመሪያው ግጭት በቀር ምንም ችግር አለማጋጠሙን ገልጸዋል።

ድርጊቱን በፈፀሙት ላይ ተጣርቶ እርምጃ እንዲወሰድ ተማሪዎች መጠየቃቸውን እና የምርመራ ቡድን ተቋቁሞ ወደ ሥራ እንደገባ መናገራቸውን ከአማራ መገናኛ ብዙሃን ድርጅት ያገኘነው መረጃ ያመላክታል።

ዩኒቨርሲቲው በማህበራዊ ትስስር ገጹ ክስተቱን ለተለየ አጀንዳ መጠቀሚያ የሚያደርጉ አካላት ከድርጊታቸው እንዲቆጠቡ በማሳሰብ ዜጎች እውነታውን እንዲረዱ ተከታታይ መረጃ እየሰጠ መሆኑንም አስታውቋል።

 

 

You might also like
Comments
Loading...