Fana: At a Speed of Life!

በወላይታ ዞን ጅብ የሶስት ህጻናትን ሕይወት አጠፋ

አዲስ አባበ፣ ህዳር 3፣ 2012 (ኤፍ.ቢ.ሲ) በወላይታ ዞን ጅብ ባደረሰው ጉዳት የሦስት ሕጻናት ህይወት ሲጠፋ በሌላ አንድ የሁለት ዓመት ልጅ ላይ ከፍተኛ የአካል ጉዳት አድርሷል።

የወላይታ ዞን ሶዶ ዙሪያ ወረዳ ፖሊስ እንዳስታወቀው በህጻናቱ ላይ የሞትና የአካል ጉዳት የደረሰው በወረዳው “ኮዶ ጋውሊያ” በተባለ የገጠር ቀበሌ ከትናንት በስቲያ ጀምሮ ለሁለት ተከታታይ ቀናት አሳቻ ሰዓታት ጠብቆ የመጣ ጅብ ባደረሰው ጥቃት ነው።

ጅቡ ባደረሰው ጥቃት ሶስት ህጻናት ሕይወታቸውን ሲያጡ በአንዲት የሁለት ዓመት
ልጅ ላይ ጉዳት መድረሱን የወረዳው ፖሊስ አዛዥ ኮማንደር ስምኦን ጣዲሶ ተናግረዋል።

በቀጣይ ጅቡ መሰል ጥቃቶችን እንዳያደርስ ከህብረተሰቡ ጋር በመተባበል እርምጃ እንደሚወሰድ አመልክተዋል።

ምንጭ፡- ኢዜአ

You might also like
Comments
Loading...