Fana: At a Speed of Life!

በካቡል መኪና ላይ በተጠመደ የቦምብ ጥቃት የ7 ሰዎች ህይወት አለፈ

አዲስ አበባ ፣ ህዳር 3 ፣ 2012 (ኤፍ ቢ ሲ) በአፍጋኒስታን ዋና ከተማ ካቡል መኪና ላይ በተጠመደ ቦምብ በተፈጸመ ጥቃት  በትንሹ የ7 ሰዎች  ህይወት  ማለፉ  ተሰምቷል፡፡

በአደጋው ከሞቱ ሰዎች በተጨማሪም በ19 ሰዎች ላይ ከባድና ቀላል ጉዳት መድረሱን የአፍጋኒስታን የሀገር ውስጥ ሚኒስቴር አስውቋል።

ከተጎጂዎች ውስጥም 7 የሚሆኑት ህፃናት መሆናቸው ነው የተገለጸው።

ጥቃቱ የተፈጸመበት አካባቢም  መንግስታዊ ያልሆኑ የውጭ  ድርጅቶች  በብዛት በሚገኙበት አካባቢ መሆኑ ተነግሯል፡፡

በተጨማሪም ጥቃቱ ኢላማ  ያደረገው ጋርዳ ወርልድ የተባለ የውጪ ኩባንያ  የመኪና ላይ  ሲሆን፥ የኩባንያው አራት ጠባቂዎች በጥቃቱ መቁሰላቸው ተገልጿል፡፡

እስካሁንም ለጥቃቱ ሃላፊነት የወሰደ አካል አለመኖሩም በዘገባው ተመላክቷል።

ምንጭ፡-ሲጂቲኤን

You might also like
Comments
Loading...