Fana: At a Speed of Life!

በአምባሳደር ብርቱካን የተመራ ልዑክ በእስራኤል ጉብኝት እያደረገ ነው

አዲስ አበባ፣ ጥቅምት 28፣ 2012 (ኤፍ ቢ ሲ) በኢፌዴሪ የውጭ ጉዳይ ሚኒስትር ዲኤታ አምባሳደር ብርቱካን አያኖ የተመራ የልዑካን ቡድን በእስራኤል የሥራ ጉብኝት በማድረግ ላይ ይገኛል፡፡

የጉብኝቱ ዓላማ በእየሩሳሌም የኢትዮጵያ መንግስት ንብረት የሆኑትንና በውጭ ጉዳይ ሚኒስቴር የሚተዳደሩትን ህንፃዎች የሚገኙበትን ሁኔታ በመገምገም፣ ታሪካዊ ይዘታቸው እንደተጠበቀ የሚታደሱበትንና ለሀገር ብሄራዊ ጥቅምና ክብር የሚያስገኙበትን ሁኔታ ለማመቻቸት ነው ተብሏል፡፡

በጉብኝቱ ወቅት በእስራኤል የኢትዮጵያ ባለሙሉ ሥልጣን አምባሳደር ረታ ስለሕንጻዎቹ ታሪካዊ ፋይዳ፣ ቤቶቹ ስለሚገኙበት ሁኔታ የተደረጉ ጥናቶችና የቀረቡ ሐሳቦችን በተመለከተ ለልዑካን ቡድኑ ገለፃ አድርገዋል፡፡

በተጨማሪም በእየሩሳሌም ስለጥንታዊ የኢትዮጵያ ይዞታዎች ተመራማሪ በሆኑት ፕሮፌሰር ሮን እና ዶክተር ቤኒ ፍረስት ገለፃ ተደርጓል፡፡

የልዑካን ቡድኑ በቆይታው በእስራኤል የውጭ ጉዳይ ሚኒስቴር የሰው ኃይል ልማት ምክትል ዋና ዳይሬክተር ከአምባሳደር ሃጋይ ሞሼ ቤሃር እና ኦሬን አኖሊክ ጋር በሰው ኃይል ልማትና ስልጠና ዙሪያ ምክክር ማካሄዳቸውን ከውጭ ጉዳይ ሚኒስትር ቃል አቀባይ ፅህፈት ቤት ያገኘነው መረጃ ያመላክታል፡፡

 

You might also like
Comments
Loading...