Fana: At a Speed of Life!

በባንግላዴሽ በደረሰ የባቡር አደጋ የ15 ሰዎች ህይወት አለፈ

አዲስ አባበ፣ ህዳር 2፣ 2012 (ኤፍ ቢ ሲ) በባንግላዴሽ በደረሰ የባቡር ግጭት አደጋ የ15 ሰዎች ህይወት ማለፉን ፖሊስ አስታውቋል።

አደጋው የተከሰተውም በብራህማንባሪያ ግዛት ሁለት መንገደኞችን የሚያጓጉዙ ባቡሮች መስመራቸውን ስተው ፊት ለፊት በመጋጨታቸው ነው ተብሏል።

በደረሰው አደጋም ከሞቱት ሰዎች በተጨማሪ በ50 ሰዎች ላይ ከባድና ቀላል ጉዳት መድረሱ ተገልጿል።

የአካባቢው ፖሊስ ሃላፊ መሃመድ አኒሱር ራህማን ጉዳዩን አስመልከተው በሰጡት መግለጫ ፥በተፈጠረው አደጋ ጉዳት የደረሰባቸውን ዜጎች  ህይወት የመታደግ ስራ እየተከናወነ መሆኑን ተናግረዋል።

በአደጋው ህይወታቸው የሚያልፉ ዜጎች ቁጥር ሊያሻቅብ እንደሚችል የጠቆሙት ሃላፊው፥ የአደጋውን መንስኤ የሚያጣራ ኮሚቴ መቋቋሙን ተናግረዋል።

ክስተቱን  ተከትሎ የሀገሪቱ ፕሬዚዳንት አብዱል ሃሚድና ጠቅላይ ሚኒስትር  ሼኪ ሃሲና በደረሰው አደጋ  የተሰማቸውን ሀዘን በመግለፅ  ለተጎጂ ቤተሰቦችና ወዳጅ ዘመዶች መፅናናትን ተመኝተዋል።

ምንጭ፦አናዶሉ

You might also like
Comments
Loading...