Fana: At a Speed of Life!

በባህረ ሰላጤው የመርከቦችን ደህንነት ለመጠበቅ የተቋቋመው ዓለም አቀፍ የባህር ሃይል ጥምረት ቅኝት

አዲስ አበባ ፣ ጥቅምት 28 ፣ 2012 (ኤፍ ቢ ሲ) በባህረ ሰላጤው አካባቢ የንግድ መርከቦችን ደህንነት ለመጠበቅ የተቋቋመው ዓለም አቀፍ የባህር ሃይል ጥምረት የቅኝት ዘመቻ ጀመረ።

አሜሪካ መራሹ የባህር ሃይል ጥምረት ዘመቻውን በባህሬን የባህር ክልል መጀመሩን ይፋ አድርጓል።

ቃኝ መርከቦቹ ከባህሬን ጉዞ የጀመሩ ሲሆን፥ ወደ ሆርሙዝ የባህር ወሽመጥ ጉዞ ያደርጋሉ ነው የተባለው።

ካለፈው ሰኔ ወር ጀምሮ ምስረታውን ያደረገው ጥምረቱ አውስትራሊያና ብሪታንያን ያካተተ ነው።

ባህሬን ጥምረቱን ባለፈው ወር ስትቀላቀል ሳዑዲ ዓረቢያ፣ የተባበሩት አረብ ኢሚሬቶች እና አልባንያም የጥምረቱ አባል ናቸው።

ጥምረቱ በዋናነት በባህረ ሰላጤው የባህር ክልል የሚንቀሳቀሱ ነዳጅ ጫኝ መርከቦችን ደህንነት ለመጠበቅ ያለመ መሆኑ ይነገራል።

ኢራን በበኩሏ ጥምረቱ በአካባቢው አለመረጋጋትን ያሰፍናል በሚል ማስጠንቀቋ ይታወሳል።

 

 

ምንጭ፦ አልጀዚራ

 

You might also like
Comments
Loading...