Fana: At a Speed of Life!

በቡርኪናፋሶ ታጣቂዎች በፈጸሙት ጥቃት የ37 ሰዎች ህይወት አለፈ

አዲስ አበባ፣ ጥቅምት 27፣ 2012 (ኤፍ.ቢ.ሲ) በቡርኪናፋሶ በትናንትናው ዕለት ማንነታቸው ያልታወቁ ታጣቂዎች በፈጸሙት ጥቃት የ37 ሰዎች ህይወት አልፏል።

ታጣቂዎቹ ጥቃቱን የፈፀሙት በምስራቃዊ ቡርኪናፋሶ ሳማፎ የተሰኘ የካናዳ የወርቅ ማዕድን ማውጫ ኩባንያ ሰራተኞች ወደ ስራ ቦታቸው በማቅናት ላይ እያሉ መሆኑ ተገልጿል።

በተፈጸመው ጥቃትም ከሞቱት በተጨማሪ ከ60 በላይ ሰዎች ላይ ከባድና ቀላል ጉዳት መድረሱ ነው የተገለጸው።

ጥቃቱን ተከትሎ ድርጅቱ ሰራተኞች ላይ በተፈጸመው ጥቃት የተሰማውን ሃዘን በመግለፅ ለተጎጂ ቤተሰቦችና ወዳጅ ዘመዶች መጽናናትን ተመኝቷል።

የካናዳ መንግስት በበኩሉ በወርቅ ማዕድን ማውጫ ሰራተኞች ላይ የተፈጸመውን ጥቃት አውግዟል።

ምንጭ፦ አናዶሉ

You might also like
Comments
Loading...