Fana: At a Speed of Life!

በማረሚያ ቤቶች ያለዉ የሰብአዊ መብት አያያዝ መሻሻሉን ታራሚዎች ገለፁ

አዲስ አበባ፣ ህዳር 2፣ 2012 (ኤፍ ቢ ሲ) በማረሚያ ቤቶች ያለዉ የሰብአዊ መብት አያያዝ መሻሻሉን በፌዴራል ማረሚያ ቤቶች ኮሚሽን በሸዋ ሮቢት ማረሚያ ቤት አስተዳደር ዉስጥ የሚገኙ የህግ ታራሚዎች ገለፁ፡፡

ታራሚዎቹ  በኢትዮጵያ እየተካሄደ ያለውን የለዉጥ ጉዞ ተከትሎ ከዚህ በፊት የነበረዉ የሰብአዊ መብት ጥሰት አሁን ላይ መሻሻሉን ተናግረዋል፡፡

ወቅታዊ የሀገሪቱ ሁኔታን በተመለከተ አስተያየታቸውን የሰጡት የህግ ታራሚዎቹ ÷ ወጣቱ የህብረተሰብ ክፍል በመገናኛ ብዙሃን የሚስተዋሉ ጉዳዮችን በመተዉ ከፀብ አጫሪ ድርጊት መቆጠብ እንደሚገባቸው አሳስበዋል፡፡

ታራሚዎቹ በሀገር ህልውና ላይ ያለውን መልካም አጋጣሚ በጥሩ ጎኑ በመጠቀም ለሀገርና ለህብረተሰቡ በጓ  አስተዋፅኦ ማበርከት ይገባዋል ሲሉ መልእክታቸዉን አስተላልፈዋል፡፡

በማረሚያ ቤቱ ታራሚዎች በአምስት ዞኖች ተከፋፍለዉ የሚታረሙ ሲሆን ÷ ከቀለም ትምህርትና ከስልጠና ጋር በተያያዘ ከአንደኛ እስከ ስምንተኛ ክፍል ትምህርት የሚሰጥበት የመጀመሪያ ደረጃ ትምህርት ቤት እንዲሁም የቴክኒክና ሙያ ስልጠና ተቋም በማረሚያ ቤቱ ቅጥር ግቢ ውስጥ ተመቻችቶላቸው ስልጠናዎችን እያገኙ ነው፡፡

በሌላ በኩል ደግሞ አንዳንድ ታራሚዎች ከመሰረታዊ ፍላጎት ጋር ተያይዞ ከስልክ አገልግሎት፣ ከመፈቻ ወረቀት መዘግየት እና ከአሞክሮ አሰጣጥ ጋር ተያይዞ ክፍተት መኖሩን ገልፀዋል፡፡

ስለጉዳዩ የማረሚያ ቤቱ አስተዳዳሪ የሆኑትን ኮማንደር እንደሻው ማሙ በሰጡት ምላሽ ÷ በታራሚዎች ተነሱት ቅሬታዎች ልክ መሆናቸውን ገልጸው ችግሩን ለመፍታት ከሚመለከታቸው አካላት ጋር እየሰራን ነው ሲሉ ገልጸዋል፡፡

ኮማንደሩ አያዘውም የሰብአዊ መብት አያያዝን በተመለከተ መንግስት የዘረጋውን የለውጥ ጉዞ ተከትሎ እንደሸዋ ሮቢት ማረሚያ ቤት በርካታ ስራዎች መስራታቸውን ተናግረዋል፡፡

እንዲሁም ታርመዉ ወደ ማህበረሰቡ ሲቀላቀሉ ለእነዚህ አካላት ጥሩ የሆነ አመለካከት በመያዝ ከማረሚያ ቤቱ አግኝተዉ በሚወጡት ሙያ ወደ ስራ እንዲሰማሩ እድሉን በማመቻቸት በኩል ማህበረሰቡ የራሱን ሚና ሊወጣ ይገባል ሲሉ መልዕክት ማስተላለፋቸውን ከጠቅላይ አቃቢ ህግ ያገኘነው መረጃ ያመለክታል፡፡

You might also like
Comments
Loading...