Fana: At a Speed of Life!

በማህበራዊ ትስስር ገጾች ተፅዕኖ ፈጣሪ የሆኑ ሰዎች የሚያገኙት ገቢ እያሻቀበ ነው

አዲስ አበባ፣ ህዳር 5፣2012 (ኤፍ ቢ ሲ) በማህበራዊ ትስስር ገጾች ብዙ ተካታዮች ያሏቸውና ተጽዕኖ ፈጣሪ የሆኑ ሰዎች የሚያገኙት ገቢ እያሻቀበ መምጣቱ ተነግሯል።

ኢዚያ የተሰኘው ተቋም ያወጣው ሪፖርት እንደሚመላክተው ከፈረንጆቹ  2014 እስከ 2019 ድረስ  ስፖንሰር የተደረጉ ይዘቶችን በፌስቡክ፣ በዩ ቲዩብና በኢንስታግራም ላይ የሚያስገኙት  ገቢ በአስገራሚ  ሁኔታ አሻቅቧል፡፡

በዚህ መሰረትም በኢንስታግራም አንድ ስፖንሰር የተደረገ ፎቶ በፈረንጆች ከጥቁት ዓመታት በፊት በአማካይ 134 ዶላር መያስገኝ የነበረው በ2019 ወደ 1ሺህ 642 ዶላር ከፍ ብሏል።

በተማሳሳይ ከፍተኛ ገቢን በማስገኘት ቀዳሚ የሆነው ዩ ቲዩብ፥ከጥቂት ዓመት በፊት 420 ዶላር ያስገኝ የነበረው በአሁኑ ወቅት  6 ሺህ 700 ዶላር ደርሷል።
በፌስቡክ ላይ የሚወጣ አንድ አጭር ፅሁፍ ያስገኝ የነበረው 8 ዶላር አሁን ወደ 395 ያሻቀበ ሲሆን፥ በትዊተር ላይ የሚሰራጭ አንድ መልዕክት ከ29 ዶላር ወደ 422 ዶላር ገቢ ከፍ ብሏል።

ታዋቂ የንግድ ምልክቶች በማህበራዊ የትስስር ገጾች ላይ ስፖንሰር አድርገው ለሚያወጧቸው መልዕክቶች፣ ታሪኮች እና ጦማሮች ጭምር ከፍተኛ መጠን ያለው ገንዘብ የሚከፈል መሆኑም በሪፖርቱ ተመላክቷል።

ምንጭ፡- ቢቢሲ

You might also like
Comments
Loading...