Fana: At a Speed of Life!

ቋሚ ኮሚቴው የመንግስት ልማት ድርጅቶች እየተንከባለሉ የመጡ ችግሮቻቸውን እንዲፈቱ አሳሰበ

አዲስ አበባ፣ ህዳር 20፣ 2012 (ኤፍ.ቢ.ሲ) የመንግስት ልማት ድርጅቶች እየተንከባለለ የመጣባቸውን ችግሮች መፍታት እንዳለባቸው ቋሚ ኮሚቴው አሳሰበ።

በህዘብ ተወካዮች ምክር ቤት የገቢ በጀትና ፋይናስ ጉዳዮች ቋሚ ኮሚቴ የመንግስት ልማት ድርጅቶችን የ2012 ዓ.ም በጀት ዓመት የ1ኛ ሩብ ዓመት አፈጻጸም ገምግሟል”

በሀገሪቱ ከሚገኙ የልማት ድርጅቶች መካከል ስምንቱ ማለትም ግብርና ስራዎች ኮርፖሬሽ፣ ስኳር ኮርፖሬሽን፣ ኬሚካል ኢንዱስትሪ ኮርፖሬሽን፣ ልማት ባንክ፣ ብረታብረትና ኢንጂነሪንግ ኮርፖሬሽን፣ የኢትዮጵያ ባህር ትራንስፖርት ሎጅስቲክ አገልግሎት ድርጅት፣ ኮንስትራክሽ ስራዎች ኮርፖሬሽና ንግድ ኮርፖሬሽን ስራዎች በሩብ ዓመት አፈፃም ሪፖርት ቀርቦ ተገምግሟል።

ቋሚ ኮሚቴው ከመንግስት የልማት ድርጅቶች ኤጀንሲና ከተጠሪ ተቋማት ተወጣጠው ከመጡ ሀላፊዎች ጋር ባካሄደው ግምገማው በቀረቡት ሪፖርቶች መሰረት አፈጻጸማቸው ዝቅተኛ እንደሆነ አስረድቷል።

በግብርና ስራዎች ኮርፐፖሬሽን የማዳበሪያ ግብይትና ስርጭት የሚመራበት ወጥ የሆነ የአሰራር ስርዓት አለመኖሩ፣ ኮርፖሬሽኑ ለተሰብሳቢ ሂሳብ ክምችት፣ ለገንዘብ ምንጭ እጥረት፣ ለውጭ ምንዛሬ እጥረት ስለሚያጋልጥ ለችግሮች መፍትሄ በኮርፖሬሽኑ የአሰራር መመሪያ መዘጋጀቱ ቢታወቅም፤ መመሪያው በህጋዊ መንገድ መተግበር እንዳለበት ቋሚ ኮሚቴው አንስቷል።

ኮንስትራክሽን ስራዎች ኮርፖሬሽን ከኮንትራት አመራር አኳያ በኮርፖሬሽኑ የተጀመሩ የመሰረተ ልማት ግንባታዎች በተለይ የመስኖ መሰረተ ልማቶች እጅግ በጣም ከመጓተታቸው በተያዘው በጀት ዓመት በሩብ ዓመት የተመዘገበው አብዛኛው አፈጻጸም ዝቅተኛ እንደሆነ ቋሚ ኮሚቴው ጠቅሷል።

በተለይ የትራንስፖርት መሰረተ ልማት ፕሮጀክት 31 ነጥብ 1 በመቶ፣ ኦሞ ኩራዝ መስኖ ግንባታ 14 በመቶ እና የውሃ መሰረተ ልማት ግንባታ ፕሮጀክት 35 ነጥብ 6 በመቶ በመሆኑ እነዚህ ፕሮጀክች ሌላ ተጨማሪ ጊዜና የገንዘብ ወጭ ሳይጠይቁ በጥራትና በፍጥነት ተጠናቀው አገልግሎት እንዲሰጡ ልዩ ስልት መዘጋጀት እንዳለበት ኮሚቴው አሳስቧ።

ከፕሮጀክት አስተዳደር ውጤታማነ ጋር በተያያዘ በስኳር ኮርፖሬሽን ስር የሚሰሩ ፕሮጀክቶች ኦሞ ቁጥር 1 እና 5፣በለስ 1 እና 2፣ወልቃይት እና ተንዳሆ ስኳር ፋብሪካዎች የቤቶች ግንባታ ፕሮጀክቶች በተያዘላቸው ጊዜና በጀት ሊጠናቀቁ ባለመቻላቸው በፍጥነት ተጠናቀው ወደ ስራ መግባት አለባቸው ሲል ኮሚቴው አስገንዝቧል።

የመንግስት የልማት ድርጅቶች የመንግስት ትርፍ ድርሻ ክፍያና የወጭ ሀገር ብድር አመላለስ ከእቅዱ በታች በጣም ዝቅተኛ አፈጻጸም ሆኖ መመዝገቡም ተገምግሟል።

በአጠቃላይ ኤጀንሲው በአዋጅ በተሰጠው ስልጣን ኃላፊነት መሰረት በስሩ ተጠሪ በሆኑ በሁሉም የልማት ድርጅቶች ክትትልና ቁጥጥር ማድረጉ እንደተጠበቀ ሆኖ በዋናነት በፕሮጀክት አመራርም ሆነ በፋይናንስ አስተዳደር ፍተኛ ችግር ውስጥ የገቡ ድርጅቶችን ለይቶ በመደገፍ በአጭር ጊዜ ውስጥ ለውጤት ማብቃት እንደሚጠበቅበት ነው ኮሚቴው ማስገንዘቡን ክህዝብ ተወካዮች ምክር ቤት ጽህፈት ቤት ያገኘነው መረጃ ያመለክታል።

You might also like
Comments
Loading...