Fana: At a Speed of Life!

ቀጣዩ የህዳሴ ግድብ የሶስትዮሽ ውይይት በካይሮ ይካሄዳል

አዲስ አበባ፣ ህዳር 6፣ 2012 (ኤፍ.ቢ.ሲ) በቀጣይ የሚካሄደው የህዳሴ ግድብ የሶስትዮሽ ውይይት በግብፅ ካይሮ የሚካሄድ መሆኑ ተገልጿል።

የኢትዮጵያ፣ ሱዳንና ግብፅ የውሃ ጉዳይ የሚኒስትሮች ባለፉት ሁለት ቀናት በአዲስ አበባ ሲያካሂዱት የነበረው ውይይት ዛሬ ማምሻውን ተጠናቋል።

ውይይቱን አስመልክተው መግለጫ የሰጡት የውሃ፣ መስኖና ኢነርጂ ሚኒስትር ዶክተር ኢንጂነር ስለሺ በቀለ፥ባለፉት ሁለት ቀናት የተካሄደው የሦስትዮሽ ውይይት ከዚህ በፊት ከተካሄዱት የውይይት መድረኮች በእጅጉ መሻሻል የታየበት መሆኑን ተናግረዋል።

ውይይቱ በግድቡ ውሃ አያያዝና አለቃቀቅ ዙሪያ የነበረ መሆኑን ያነሱት ሚኒስትሩ፥ ሶስቱም ሀገራት በካርቱም በተለዩ 6 ነጥቦች ዙሪያ ሃሳብ ማቅረባቸውን ጠቁመዋል።

ሀገራቱ የተስማሙባቸውን ነጥቦች በአረንጓዴ፣ ያልተስማሙበትን ደግሞ በቀይ በመመዝገብ እና የእያንዳንዱ ሀገር ማብራሪያ እንዲሰጥ በማድረግ ሰፊ ውይይት እንደተደረገም ጠቅሰዋል።

በቀጣይ ለሚካሄደው ድርድር ሦስቱ ሀገራት የሚመሩበት ሰነድ መዘጋጀቱን ገልጸዋል።

ቀጣዩ ድርድር በግብጽ ካይሮ ህዳር 23 እና 24 ቀን 2012 ዓ.ም የሚካሄድ ይሆናል።

በአዲስ አበባ ህዳር 5 እና 6 ቀን 2012 ዓ.ም በተካሄደው የሦስቱ ሀገራት ድርድር ላይ ከአሜሪካና ከዓለም ባንክ የመጡ ታዛቢዎች ተገኝተዋል።

በፋሲካው ታደሰ እና ብስራት መሰለ

You might also like
Comments
Loading...