Fana: At a Speed of Life!

ሶዴፓ የብልፅግና ፓርቲን ለመቀላቀል ወሰነ

አዲስ አበባ፣ ህዳር 20፣ 2012 (ኤፍ.ቢ.ሲ) የሶማሌ ዴሞክራሲያዊ ፓርቲ (ሶዴፓ)የብልፅግና ፓርቲን ለመቀላቀል ውሳኔ አሳለፈ።

የሶማሌ ዴሞክራሲያዊ ፓርቲ (ሶዴፓ) በዛሬው እለት በጠራው ጠቅላላ ጉባዔ ነው ውሳኔውን ያሳለፈው።

በጅግጅጋ ከተማ በተካሄደው ጠቅላላ ጉባዔም የሶዴፓ ስራ አስፈፃሚ ኮሚቴ እና ማእከላዊ ኮሚቴ የብልጽግና ፓርቲን ለመዋሃድ ባሳለፈው ውሳኔ ዙሪያ ምክክር አድርጓል።

በመጨረሻም ሶዴፓ በጠቅላላ ጉባዔው ከብልፅግና ፓርቲ ጋር ለመዋሃድ የቀረበውን የውሳኔ ሃሳብ በሙሉ ድምፅ ተቀብሎ አፅድቆታል።

ከዚህ ቀደም የኢህአዴግ አባል እና አጋር ድርጅት የሆኑ ሰባት ፓርቲዎች ብልፅግና ፓርቲን ለመቀላቀል በጉባዔያቸው የወሰኑ ሲሆን፥ ሶዴፓም የብልፅግና ፓርቲን ለመቀላቀል ውሳኔ ያሳለፈ 8ኛ ፓርቲ ሆኗል።

You might also like
Comments
Loading...