Fana: At a Speed of Life!

ስማርት ስልካችን እንደ ማይክሮስኮፕ መጠቀም የሚያስችለን ቴክኖሎጂ

አዲስ አበባ፣ ህዳር 17፣ 2012 (ኤፍ.ቢ.ሲ) ስማርት ስልካችን እንደ ማይክሮስኮፕ መጠቀም የሚያስችል አዲስ ቴክኖሎጂ መሰራቱ ተሰምቷል።

“ዲፕል” የሚል መጠሪያ ያለው ቴክኖሎጂው በስማርት ስልካችን አማካኝነት በአይን የማይታዩ ባክቴሪያዎችን ጨምሮ የደም ህዋሳትን ለማየት የሚያስችል ነው።

አዲሱ የስማርት ስልክ ማይክሮስኮፕ ጥቃቅን ነገሮችን በሶስት ደረጃዎች አጉልቶ ማሳየት ይችላል የተባለ ሲሆን፥ እነዚህም 35 እጥፍ፣ 75 እጥፍ እና በ150 እጥፍ ናቸው።

በአሁኑ ጊዜም የቴክኖሎጂው አልሚዎች የማጉላት እጥፉን ወደ 1 ሺህ ለማሳደግ እየሰሩ መሆኑ ተመላክቷል።

ቴክኖሎጂውን ለመጠቀምም ጥሩ የካሜራ ጥራት ያላቸው ስማርት ስልኮች ያስፈልጋሉ ተብሏል።

የስማርት ስልክ ማይክሮስኮፑ በሁሉም የአንድሮይድ እና አይፎን ኦፕሬቲንግ ሲስተም ስማርት ስልኮች ላይ የሚሰራ መሆኑም ታውቋል።

35 እጥፍ የማጉላት አቅም ያለው የስማርት ስልክ ማይክሮስኮፕ በአሁኑ ሰዓት እስከ 40 የአሜሪካ ዶላር እየተሸጠ ሲሆን፥ ሶስቱም መጠን ማጉያዎች ያሉት ደግሞ እስከ 120 የአሜሪካ ዶላር እየተሸጠ መሆኑ ተነግሯል።

ምንጭ፦ fossbytes.com

You might also like
Comments
Loading...