Fana: At a Speed of Life!

ሲስኮ ኩባንያ በኢትዮጵያ መዋዕለ ንዋዩን ለማፍሰስ ፍላጎት እንዳለው ገለፀ

አዲስ አባበ፣ ህዳር 2፣ 2012 (ኤፍ.ቢ.ሲ) አለም አቀፍ ኩባንያ የሆነው ሲስኮ ኩባንያ በኢትዮጵያ መዋዕለ ንዋዩን ለማፍሰስ ከፍተኛ ፍላጎት እንዳለው ገለፀ።

የኢፌዴሪ ፕሬዚዳንት ሳህለወርቅ ዘውዴ ከሲስኮ ኩባንያ ከፍተኛ የስራ ኃላፊዎች ከተመራው ልዑካን ቡድን ጋር ተገናኝተው ተወያይተዋል።

በውይይት ወቅትም በቴክኖሎጂ ዘርፍ የተሰማራው ሲስኮ ኩባንያ በኢትዮጵያ መዋዕለ ንዋዩን ለማፍሰስ ፍላጎት ማሳየቱን ከፕሬዚዳንት ጽህፈት ቤት ያገኘነው መረጃ ያመለክታል።

መቀመጫውን አሜሪካ ካሊፎርኒያ ያደረገውና አለም አቀፍ ኩባንያ የሆነው ሲስኮ በቴክኖሎጂ ዘርፍ ላይ የተሰማራ ኩባንያ ነው።

ሲስኮ የኔትዎርክ ቁሳቁሶችን፣ የቴሌኮሙዩኒኬሽን መገልገያዎችን እና ሌሎች የቴክኖሎጂ መገልገያዎችን የሚያለማ፣ የሚያመርት እና የሚሸ ኩባንያ ነው።

በተመሳሳይ የኢፌዴሪ ፕሬዚዳንት ሳህለወርቅ ዘውዴ መቀመጫውን በካናዳ ያደረገው ማስተር ካርድ ፋውንዴሽን ዋና ስራ አስፈጻሚ ሬታ ሮይ የሚመራው የልኡካን ቡድንን ተቀብለው አነጋግረዋል።

ማስተር ካርድ ፋውንዴሽን በኢትዮጵያ በሚቀጥሉት 10 ዓመታት ውስጥ 10 ሚሊየን ለሚሆኑ ወጣቶች የስራ እድል ለመፍጠር የተያዘውን እቅድ ለመደገፍ እየሰራ ነው።

በቅርቡም ለዚሁ ዓላማ የሚሆን የ300 ሚሊየን የአሜሪካ ዶላር ድጋፍ ማድረጉም ይታወሳል።

You might also like
Comments
Loading...