Fana: At a Speed of Life!

ሰሜን ኮሪያ የሺንዞ አቤን የጉብኝት ጥያቄ ውድቅ አደረገች

አዲስ አበባ፣ ጥቅምት 27፣ 2012 (ኤፍ ቢ ሲ) ሰሜን ኮሪያ የጃፓኑ ጠቅላይ ሚኒስትር ሺንዞ አቤ በሀገሪቱ የስራ ጉብኝት ለማድረግ ያቀረቡትን ጥሪ ውድቅ አድርጋለች።

ፒዮንግያንግ ባሳለፍነው ጥቅምት ወር መጨረሻ ላይ እጅግ ከፍተኛ መጠን ያላቸው ሮኬቶችን ማስወንጨፏ ይታወሳል።

ይህን ተከትሎም የጃፓኑ ጠቅላይ ሚኒስትር ሺንዞ አቤ ሰሜን ኮሪያ በተባበሩት መንግስታት ድርጅት የተጣለውን ማዕቀብ በመጣስ በየጊዜው የምታከናውነውን የሚሳኤል ማስወንጨፍ ሙከራ አውግዘዋል።

ከዚህ ባለፈም በጉዳዩ ዙሪያ ከፕሬዚዳንት ኪም ጆንግ ኡን ጋር ለመወያየትና በሰሜን ኮሪያ ጉብኝት የማድረግ ፍላጎት እንዳላቸው ተናግረው ነበር።

ሰሜን ኮሪያ በበኩሏ ጠቅላይ ሚኒስትር ሺንዞ አቤ ሀገሪቱ የዓለም አቀፍ የኒውክሌር ስምምነትን በመጣስ ሚሳኤል ማስወንጨፏን አስመልክቶ ያቀረቡትን ትችት አጣጥላለች።

ጠቅላይ ሚኒስትሩ በማይመለከታቸው የሰሜን ኮሪያ ወሳኝ ጉዳይ ላይ ጣልቃ ከመግባት እንዲቆጠቡም አሳስባለች።

በተጨማሪም ጠቅላይ ሚኒስትር ሺንዞ አቤ ሰሜን ኮሪያን ለመጎብኘት ያሳዩትን ፍላጎት የማይታሰብ እቅድ በማለት ውድቅ አድርጋለች።

 

 

ምንጭ ፦ሬውተርስ

You might also like
Comments
Loading...