Fana: At a Speed of Life!

ሉፍታንዛ የሰራተኞቹ የስራ ማቆም አድማን ተከትሎ 1 ሺህ 300 በረራዎችን ሰረዘ

አዲስ አበባ፣ ጥቅምት 27፣ 2012 (ኤፍ.ቢ.ሲ) የጀርመኑ ሉፍታንዛ አየር መንገድ ሰራተኞቹ ባስነሱት ተቃውሞ የስራ ማቆም አድማ ማድረጋቸውን ተከትሎ በ48 ሰዓታት ውስጥ 1 ሺህ 300 በረራዎችን ለመሰረዝ መገደዱ ተሰምቷል።

እኩለ ሌሊት ላይ የተጀመረው የሰራተኞቹ ተቃውሞ እና የስራ ማቆም አድማ ከክፍያ እና መሰል ጉዳዮች ጋር ተያይዞ የቀረበ መሆኑም ተነግሯል።

የሰራተኞቹ ተቃውሞ ለሁለት ቀናት በመቀጠሉም ከጀርመን የሚደረጉ ሁሉንም የሉፍታንዛ በረራዎችን አስተጓጉላል የተባለ ሲሆን፥ በዚህም የአር መንገዱ 1 ሺህ 300 በረራዎችን ለመሰረዝ ተገዷል ነው የተባለው።

ይህንን ተከትሎም ከ180 ሺህ በበላይ ተጓዞች ለእንግልት እንደተዳሩም ተነግሯል።

ሉፍታንዛ ባወጣው መግለጫ፥ በተፈጠረው ነገር ማዘኑን ገልፆ፤ የስራ ማቆም አድማው በደንበኞቹ ላይ የሚፈጥረውን ጫና ለመቀነስ ማንኛውንም ነገር ለማድረግ ዝግጁ መሆኑን አስታውቋል።

እስከዛው በጀርመን ውስጥ የሀገር ውስጥ በረራ ለማድረግ ያቀዱ መንገደኞች ትኬታቸውን ወደ ባቡር ትኬት እንዲቀይሩ ያስታወቀው ሉፍታንዛ፤ ለዓለም አቀፍ ተጓዦች ደግሞ ሌሎች አማራጮችን እንደሚያፈላልግ አስታውቋል።

አየር መንገዱ የሰራተኞቹ የስራ ማቆም አድማ እንዲቆም ለፍራንክፈርት የሰራተኞች ፍርድ ቤት ያቀረበው አቤቱታ ውድቅ መደረጉም ተነግሯል።

ምንጭ፦ www.bbc.com

You might also like
Comments
Loading...