Fana: At a Speed of Life!

ሁዋዊ ያለ ጉግል በአለም ቀዳሚው የዘመናዊ ስልክ አምራች ሆኖ ይቀጥላል- ዋና ስራ አስፈፃሚው      

አዲስ አበባ፣ ህዳር 18፣ 2012 (ኤፍ.ቢ.ሲ) የሁዋዊ ዋና ስራ አስፈፃሚና መስራች ሬን ዝሄንግፊይ ተቋሙ ምንም እንኳ ከጉግል ሶፍትዌርና እና መተግበሪያ ውጭ ቢሆንም የአለም ቀዳሚው የስልክ አምራች ሆነ ይቀጥላል አሉ፡፡

በአለም ትልቁ የቴሌኮሙኒኬሽን መሳሪዎች አምራች የሆነው ሁዋዊ ባለፈው ዓመት ደረጃውን ከሳምሰንግ ኩባንያ መረከቡ የሚታወስ ነው፡፡

ሁዋዊ በአሜሪካ መንግስት በንግድ የጥቁር ገበያ ዝርዝር ላይ መስፈሩን ተከትሎ ጉግል ፣  ኢንቴል እና ብሮድኮም ከመንግስት ፈቃድ ካላገኙ በስተቀር ግንኙነት እንዳያደርጉ ገደብ ተጥሎባቸዋል፡፡

ይህንንም ተከትሎ ከቻይና ውጭ ያለው የሁዋዊ የቀዳሚነት ጉዞ አደጋ የተጋረጠበት ሲሆን ደንበኞቹም ጎግል ፕለይ ስቶር ፣ ፌስቡክ ፣ ኡበር እና ጉግል ማፕን ላናገኝ እንችላለል የሚል ስጋት ተፈጥሮባቸዋል፡፡

የኩባንያው ዋና ስራ አስፈፃሚ በበኩላቸው÷ እነዚህ ገደቦች ቢኖሩም በተለይ ከጉግል ውጭ መሆናቸው ምንም ችግር ሊሆን አይችልም ብለዋል፡፡

አሜሪካ የሁዋዊ ምርቶች ለሀገራዊ ደህንነት ስጋት ናቸው ማለቷን ተከትሎ ሁዋዊ በአሁን ወቅት ከአሜሪካ ኩባንያዎች ጫና እየደረሰበት ይገኛል፡፡

ምንጭ፡- ሲ ኤን ኤን

You might also like
Comments
Loading...