Fana: At a Speed of Life!

ሀንጋሪ ኢትዮጵያ የጀመረችውን ምቹ የኢኖቬሽን ከባቢ የመፍጠር እንቅስቃሴን እንደምትደግፍ ገለጸች

አዲስ አበባ፣ ህዳር 19፣2012 (ኤፍ ቢ ሲ) ሀንጋሪ ኢትዮጵያ የጀመረችውን ምቹ የኢኖቬሽን ከባቢ ሁኔታ የመፍጠር እንቅስቃሴን እንደምትደግፍ ገለጸች።

የኢኖቬሽንና ቴክኖሎጂ ሚኒስትር ዲኤታ ጀማ በከር በኢትዮጵያ ከሀንጋሪ አምባሳደር አቲላ ኮፓኒ ጋር በጉዳዩ ዙሪያ ተወያይተዋል።

ሚኒስትር ዲኤታው ኢትዮጵያ በኢኖቬሽንና ቴክኖሎጂ ዘርፍ የሚመራ ኢኮኖሚ ለመገንባት እየሰራች መሆኑን በመግለፅ ሃንጋሪ በምትታወቅባቸው ዘርፎች ድጋፍ እንድታደርግ ጠይቀዋል።

ዘርፉ የስራ እድል እንዲፈጥርና ሃብት እንዲያመነጭ ለማድረግ የማሻሻያ ስራዎች እየተሰሩ ስለመሆናቸውም አብራርተዋል።

አምባሳደር አቲላ ኮፓኒ በበኩላቸው ኢትዮጵያ ኢኮኖሚዋን በኢኖቬሽንና ቴክኖሎጂ ለመደገፍ የምታደርገውን ጥረት ሀገራቸው ለመደገፍና ልምዷን ለማካፈል ዝግጁ መሆኗን ተናግረዋል።

ሀንጋሪ ምቹ የኢኖቬሽን ከባቢያዊ ሁኔታ በመፍጠር፣ በተሽከርካሪ ማምረት፣ በኢንዱስትሪ ፓርክ፣ በዩኒቨርሲቲ ኢንዱስትሪ ትስስርና በዲጂታል ኢኮኖሚ መስክ የተሻለ ተሞክሮ ያላት ሀገር መሆኗንም ጠቅሰዋል።

አምባሳደሩ በቀጣይ ዓመት በሀንጋሪ ቡዳፔስት በሚካሄደው፥ የሀንጋሪ አፍሪካ የኢኖቬሽን ኮንፈረንስ ላይ ኢትዮጵያ እንድትሳተፍ ግብዣ ማቅረባቸውን ከሚኒስቴሩ ያገኘነው መረጃ ያመላክታል።

You might also like
Comments
Loading...