Fana: At a Speed of Life!

295 ዓመታትን ያስቆጠረው የሩሲያ ሳይንስ አካዳሚ ፅህፈት ቤቱን በኢትዮጵያ ለመክፈት አቅዷል

አዲስ አበባ፣ ጥቅምት12፣ 2012 (ኤፍ ቢ ሲ) የሩሲያ ሳይንስ አካዳሚ (RAS) ኢትዮጵያን ጨምሮ በተወሰኑ የአፍሪካ ሀገራት ቢሮውን ለመክፈት ማቀዱን አስታውቋል።

የአካዳሚው ምክትል ፕሬዚዳንት ዩሪ ባሌጋ፥ ኢትዮጵያ፣ ዩጋንዳ፣ ደቡብ አፍሪካ እና ግብፅ ፅህፈት ቤቱን ለመክፈት ያቀደባቸው ሀገራት መሆናቸውን ተናግረዋል።

አካዳሚውን ለመክፈት ዝግጁ በመሆኑ የአፍሪካ ሀገራት ስራውን ለመጀመር ውይይት እየተደረገ እንደሚገኝ ነው የተናገሩት።

በኢትዮጵያ በኩል በንጉሱ ዘመን ለሩሲያ የተሰጠ 50 ሄክታር መሬት የሚገኝ ሲሆን፥ በኢትዮጵያ የሚገኘው የሀገሪቱ ኤምባሴ ሁኔታዎችን እያመቻቸ እንደሚገኝ ታስ ለተሰኘው የሩሲያ ሚዲያ ተናግረዋል።

የሩሲያ ሳይንስ አካዳሚ በቅርቡ ፓሪስ ላይ ፅህፈት ቤቱን የከፈተ ሲሆን፥ በቀጣይም በሲውዘርላንድ፣ ደቡብ ኮሪያ ፣ ጀርመን ፣ አሜሪካ እና ቻይና ለመክፈት አቅዷል።

ይህ ተቋም በሩሲያ የሚገኙ ሳይንሳዊ ጥናት ተቋማትን እንዲሁም ሆስፒታሎችን እና ቤተ መፅሃፍትን ያካተተ ነው።

295 ዓመታትን ያስቆጠረው አካዳሚው በፈረንጆቹ 1724 የተመሰረተ ሲሆን፥ 125 ሺህ ሰራተኞች እንዳሉት እና ከእነዚህም ውስጥ 47 ሺህ የሚሆኑት ተመራማሪዎች ናቸው ተብሏል።

You might also like
Comments
Loading...