Fana: At a Speed of Life!

ጠ/ሚ ዶ/ር አብይ ሰላምን ለማረጋገጥ የሚያደርጉትን ጥረት ሩሲያ ትደግፋለች- ፕሬዚዳንት ፑቲን

አዲስ አበባ፣ ጥቅምት 4፣ 2012 (ኤፍ.ቢ.ሲ) ጠቅላይ ሚኒስትር ዶክተር አብይ አህመድ ሰላምን ለማረጋገጥ የሚያደርጉትን ጥረት የሩሲያ መንግስት እንደሚደግፍ ፕሬዚዳንት ቭላድሚር ፑቲን ገለፁ።

ፕሬዚዳንት ቭላድሚር ፑቲን ይህንን ያሉት ጠቅላይ ሚኒስትር ዶክተር አብይ የሰላም የኖቤል ተሸላሚ መሆናቸውን ተከትሎ ባስተላለፉት የእንኳን ደስ አሎት መልእክት ነው።

ፕሬዚዳንቱ በቴሌግራም ባስተላለፉት መልዕክት የኖቤል ኮሚቴው ውሳኔ ጠቅላይ ሚኒስትር ዶክተር አብይ አህመድ በኢትዮጵያ እና በኤርትራ መካከል ሰላምን ለማምጣት ለሰሩት ስራ ትክክለኛ መሆኑን ገልጸዋል።

ጠቅላይ ሚኒስትር ዶክተር አብይ አህመድ በቀጣይም በቀጠናው ሰላምን ለማምጣት እንዲሁም የአፍሪካ አህጉርን ከቀሪው ዓለም ጋር ለማስተሳሰር ለሚያደርጉት ጥረት የሩሲያ መንግስት አስፈላጊውን ድጋፍ እንደሚያደርግም ገልፀዋል።

ፕሬዚዳንት ፑቲን አያይዘውም በመልእክታቸው ለጠቅላይ ሚኒስትር ዶክተር አብይ አህመድ ስኬትን እና መልካም ጤንነትን ተመኝተዋል።

You might also like
Comments
Loading...