Fana: At a Speed of Life!

ጠቅላይ ሚኒስትር ዶ/ር አብይ ከተመድ የፀጥታው ምክር ቤት አባላት ጋር ተወያዩ

አዲስ አበባ፣ ጥቅምት 11፣ 2012 (ኤፍ.ቢ.ሲ) የኢፌዴሪ ጠቅላይ ሚኒስትር ዶክተር አብይ አህመድ ከተባበሩት መንግስታት ድርጅት የፀጥታ ምክር ቤት አባላት ጋር ተወያይተዋል።

የተባበሩት መንግስታት ድርጅት የፀጥታው ምክር ቤት አባላት በኢትዮጵያ ይፋዊ የስራ ጉብኝት ለማድረግ አዲስ አበባ ይገኛሉ።

ጠቅላይ ሚኒስትር ዶክተር አብይ አህመድም የተመድ የፀጥታው ምክር ቤት አባላትን በጽሕፈት ቤታቸው ተቀብለው ያነጋገሩ ሲሆን፥ በቆይታቸውም በክልላዊ ሰላም እና የፀጥታ ሁኔታ ላይ መወያየታቸውን የጠቅላይ ሚኒስትር ጽህፈት ቤት አስታውቋል።

በውይይቱ ወቅትም ጠቅላይ ሚኒስትር ዶክተር አብይ፥ የአቋም ለውጥ እና በቅንነት የሰላም እና የአመራርን ዋጋ መገንዘብ ክልላዊ ሰላምን በዘላቂነት ለማስጠበቅ እንደሚረዳ ተናግረዋል።

የተባበሩት መንግስታት ድርጅት የፀጥታው ምክር ቤት አባላት በበኩላቸው፥ ጠቅላይ ሚኒስትር ዶክተር አብይ የሰላም ኖቤል በመሸለማቸው ደስታቸውን ገልፀዋል።

በቀጣይ ጊዜም ጠቅላይ ሚኒስትሩ ለክልላዊ ሰላም የበኩላቸውን እንዲያደርጉ ጠይቀዋል።

የተባበሩት መንግስታት ድርጅት የፀጥታው ምክር ቤት አባላት በኢትዮጵያ በቆይታቸው ከአፍሪካ ህብረት የሰላምና ፀጥታ ምክር ቤት አባላት ጋር ውይይት እንደሚደርጉ ይጠበቃል።

You might also like
Comments
Loading...