Fana: At a Speed of Life!

ጠ/ሚ ዶ/ር አብይ በሱዳን የሲቪል መንግስት መመስረቻ ስምምነት የሁለቱንም ወገኖች የሰላም ፍላጎት ማሳያ መሆኑን ገለጹ

አዲስ አበባ፣ ጥቅምት 3፣ 2012 (ኤፍ.ቢ.ሲ) ጠቅላይ ሚኒስትር ዶክተር አብይ አህመድ በደቡብ ሱዳን በተካሄደዉ የዕርቅ ምክክር መድረክ ከጥቂት ወራት በፊት የሲቪል መንግስት ለመመስረት የተፈረመውን ስምምነት በመንግሥት እና ሱዳን ታጣቂዎች ቡድን መካከል የተጀመረዉ የሰላም ድርድር በሁለቱም ወገኖች ሰላም ለማምጣትና ዕርቅ ለማውረድ ያላቸዉን ፍላጎት ማሳያ መሆኑን ገለጹ፡፡

ሁለቱም ወገኖች ስምምነት ላይ ደርሰዉ ያላቸዉን አቅም አካታች የሆነችና የበለጸገች ሱዳን ለመገንባት እንዲያተኩሩ ጥሪ አቅርበዋል::

ጠቅላይ ሚኒስትር ዶክተር አብይ አህመድ በደቡብ ሱዳን የነበራቸውን የምስራቅ አፍሪካ የልማት በይነ መንግሥታት (ኢጋድ) አባል ሀገራት መሪዎች ምክክር መድረክ አጠናቀው አዲስ አበባ ገብተዋል::

የኢፌዴሪ ጠቅላይ ሚኒስትር ዶክተር አብይ አህመድ በዛሬው እለት ወደ ደቡብ ሱዳን ጁባ ማቅናታቸው ይታወሳል።

ጠቅላይ ሚኒስትር ዶክተር አብይ አህመድ ጁባ ዓለም አቀፍ አውሮፕላን ማረፊያ ሲደርሱም የደቡብ ሱዳን ፕሬዚዳንት ሳልቫኪር ማያርዲት አቀባበል አድርገውላቸዋል።

ጠቅላይ ሚኒስትር ዶክተር አብይ አህመድ በጁባ ቆይታቸውም የሱዳን የሽግግር መንግስትን ከታጣቂ ተቃዋሚ ኃይሎች ጋር ለማስታረቅ በሚደረግ የኢጋድ አባል ሀገራት የመሪዎች የስብሰባ የኢትዮጵያ ልዑካን ቡድንን በመምራት ተሳትፈዋል።

 

You might also like
Comments
Loading...