Fana: At a Speed of Life!

ጃፓን በአውሎ ነፋስ 23 ሰዎች መሞታቸውን ተከትሎ ለነፍስ አድን ስራ ወታደሮችን አሰማራች

አዲስ አበባ፣ ጥቅምት 02፣ 2012 (ኤፍ ቢ ሲ) ጃፓን በቅርብ አመታት ከተሰከሰቱት ከፍተኛው ነው በተባለው ዝናብ በቀላቀለ አውሎ ንፋስ 23 ሰዎች መሞታቸውን ተከትሎ ወታደሮችን ለነፍስ አድን ስራ አሰማራች፡፡

ታይፎን ሃግቢስ የተባለው ይህ አውሎ ንፋስ በቶኪዮ የመሬት መደርመስን ያስከተለ ሲሆን ወደ ሰሜን የሀገሪቱ ክፍል እያመራ እንደሆነ እና  ጎርፍ እየፈጠረ መሆኑ ተነግሯል፡፡

በዚህ ዝናብ በቀላቀለ አውሎ ንፋስ ምክንያት ከሞቱት 23 ሰዎች በተጨማሪ 17 ሰዎች የገቡበት እንዳልታወቀ የሀገሪቱ መገናኛ ብዘሃን በመዘገብ ላይ ይገኛሉ፡፡

ይህንን ተከትሎም የሀገሪቱ መንግስት 27 ሺህ ወታደሮች እና ሌሎች አባላትን ለነፍስ አድን ስራ ማሰማራቱን ባለስልጣናት ተናግረዋል፡፡

ጠቅላይ ሚኒስትር ሺንዞ አቤ መንግስት እስከ መጨረሻው አስፈላጊው ነገር ያደርጋል ያሉ ሲሆን አስፈላጊ ከሆነም ተጨማሪ ወታደሮች ለማሰማራት ቃል ገብተዋል፡፡

በቶኪዮ አከባቢ የሚገኙ 150 ሺህ ሰዎች የአሌክትሪክ አገልግሎት የተቋረጠባቸው ሲሆን በተመሳሳይ የውሃ ችግር ማጋጠሙም ነው የተነገረው፡፡

እንዲሁም ታይፎን ሃግቢስ የተሰኘው ዝናብ የቀላቀለ አውሎ ንፋስ በሚገኝበት ስፋራ የባቡር እና አየር ትራንስፖርት መቋረጡ ተሰምቷል፡፡

ምንጭ፡- ቢቢሲ

You might also like
Comments
Loading...