Fana: At a Speed of Life!

የጤናውን ዘርፍ በቴክኖሎጂ፣ጥናት እና ምርምር ለማገዝ  እየተሰራ ነው

አዲስ አበባ፣ ጥቅምት 17፣ 2012 (ኤፍ ቢ ሲ)  የጤናውን ዘርፉ ከቴክኖሎጂ፣ጥናት እና ምርምር ጋር ለማዋሃድ እየተሰራ መሆኑን የጤና ሚኒስቴር አስታውቋል።

የተያዘው ዓመት የግራንድ ቻሌንጅ ዓመታዊ ጉባዔ በኢትዮጵያ መካሄድ ጀምሯል።

በጉባኤው  ከተለያዩ ሀገራት የመጡ ምሁራን እና አጋር ድርጅቶች መሳተፋቸውን የጤና ሚኒስትር ዶክተር አሚር አማን አስታውቀዋል።

የግራንድ ቻሌንጅ ፕሮግራም በቴክኖሎጂ እና ፈጠራ ላይ ያተኮረ ጥናት ምርምርን የሚደግፍ ፕሮግራም ሲሆን፥ ዋና አላማውም የቴክኖሎጂ እና የፈጠራ ስራዎችን ማሳደግ እና ውጤቶቹንም ከመጀመሪያ ጤና ክብካቤ አሃዝ ጋር በማቀናጀት ለህብረተሰብ ጥቅም ላይ ማዋል ነው።

በዛሬው  ዕለት  የጤና ዘርፍ አጋር ድርጅቶች መድረክ የተካሄደ ሲሆን፥በዚህም  የጤናው ዘር ከቴክኖሎጂ፣ ጥናት እና ምርምር ጋር ማዋሃድ በሚያስችሉ ጉዳዮች ዙሪያ ምክክር ተደርጓል።

ፕሮግራሙን ተግባራዊ ለማድረግም ሚኒስቴሩ አንድ ሚሊየን ዶላር በጀት መድቦ እየሰራ መሆኑ ነው የተገለጸው።

ፕሮግራሙ ከተጀመረ ለ23 ጥናቶች የገንዘብ ድጋፍ የተደረገ ሲሆን፥ ከእነዚህ ውስጥም 70 በመቶ የሚሆነው በእናቶች እና ህፃናት ጤና ላይ ያተኮረ መሆኑ ተመላክቷል።

አራት ጥናቶች ወደ ማስፋፊያ ደረጃ አድገዋል ያሉት  ዶክተር አሚር፥ ከሌላ ሀገራት ልምድ በመውሰድ  በአንድ ፕሮጀክት ላይ ሙከራ እየተደረገ መሆኑንም አንስተዋል።

የቴክኖሎጂ እና የፈጠራ ሙያ በሀገራችን ለማሳደግ የማሳደጊያ ማዕከላትን  ማስፋፋት እና የጥናት ውጤቶችም ለህብረተሰቡ በሚደርስ መልኩ ከጤናው ዘርፍ ጋር በማዋሀድ የሚሰራ መሆኑንም ጠቁመዋል።

You might also like
Comments
Loading...