Fana: At a Speed of Life!

የደቡብ ክልል ከፍተኛ አመራሮች በኮንታ ልዩ ወረዳ በደረሰው የመሬት መንሸራተት አደጋ የሟች ቤተሰቦችን አጽናኑ

አዲስ አበባ ፣ ጥቅምት 10 ፣ 2012 (ኤፍ ቢ ሲ) የደቡብ ክልል ምክትል ርዕሰ መስተዳድር አቶ ርስቱ ይርዳው እና የክልሉ ከፍተኛ አመራሮች በኮንታ ልዩ ወረዳ በደረሰው የመሬት መንሸራተት አደጋ የሟች ቤተሰቦችን አጽናኑ።

በልዩ ወረዳው በአመያ 03 ዱካ ዛሌ መድሃኒአለም ቤተ ክርስቲያን በተባለ አካባቢ ጥቅምት 2 ቀን 2012 ዓ.ም በተከሰተ የመሬት መንሸራተት አደጋ የ22 ሰዎች ህይወት ማለፋ ይታወሳል።

በልዩ ወረዳው ከነሀሴ 4 ቀን 2011 እስከ ጥቅምት 2 ቀን 2012 ዓ.ም በደረሰ የመሬት መንሸራተት አደጋ የ25 ሰዎች ህይወት ሲያልፍ 481 አባወራዎች ከመኖሪያ አካባቢያቸው ተፈናቅለዋል።

770 የቤተሰብ አባላት ደግሞ በተለያዩ ተቋማት ተጠልለው እንደሚገኙ ከደቡብ ክልል መንግስት ያገኘነው መረጃ ያመላክታል።

በደረሰው አደጋ 115 መኖሪያ ቤቶች የፈረሱ ሲሆን በደረሱ ሰብሎች ላይም ጉዳት መድረሱ ተነግሯል።

You might also like
Comments
Loading...