Fana: At a Speed of Life!

የኤሌክትሪክ መሰረተ-ልማት ስርቆት የኤሌክትሪክ ተደራሽነትን ለማሳደግ በሚደረገው ጥረት ላይ ጫና መፍጠሩ ተገለፀ

አዲስ አበባ፣ መስከረም 28፣ 2012(ኤፍ.ቢ.ሲ) ከፍተኛ የሆነ የህዝብና የመንግስት ሃብት ፈሶባቸው በከፍተኛ የውጭ ምንዛሬ ተገዝተው አገልግሎት በመስጠት ላይ የሚገኙ የኤሌክትሪክ መሰረተ-ልማቶች ሃላፊነት በጎደላቸው ግለሰቦች እየተሰረቁና አዳጋ እየደረሰባቸው መሆኑን የኢትዮጵያ ኤሌክትሪክ አገልግሎት አስታውቋል።

ተቋሙ በኤሌክትሪክ መሰረተ-ልማቶች ማርጀት ምክንያት እየደረሰ ያለውን የሃይል መቆራረጥና መዋዥቅ ለመቀነስ እና የኤሌክትሪክ ተደራሽነትን ለማሳደግ ጥረት እያደረገ እንደሚገኝ ነው ያስታወቀው።

ሆኖም በኤሌክትሪክ መሰረተ-ልማቶች ላይ እየደረሰ ያለው ስርቆት የነበረውን ችግር በእንቅርት ላይ ጆሮ ደግፍ አድረጎብኛል ሲል ገልጿል።

የኤሌክትሪክ መሰረተ-ልማቶች መሰረቃቸውና ለአዳጋ መጋለጣቸው በሀገሪቱ ኢኮኖሚ ላይ ከፍተኛ ተጽዕኖ ከማሳደሩ በተጨማሪ የኤሌክሪክ ተጠቃሚ ደንበኞች የኤሌክትሪክ አገልግሎት እንዳያገኙ ያደርጋል ብሏል ተቋሙ።

በመሆኑም ሁሉም የህብረተሰብ ክፍል የኤሌክትሪክ መሰረተ-ልማቶችን እንደራሱ ንብረት አድረጎ ሊጠብቅና ሊንከባከብ እንደሚገባ ነው ያሳሰበው።

ከዚህ ባለፈ የተቋሙ ሰራተኞች ለጥገናና መሰል ስራዎች ሲንቀሳቀሱ የተቋሙ ሰራተኞች መሆናቸውን የሚገልጽ መታወቂያ ወይም ከተቋሙ የስራ ትዕዛዝ ደብዳቤ መያዛቸውን በማረጋገጥ የተቋሙ ሰራተኞች በመምሰል በኤሌክትሪክ መሰረተ-ልማቶች ላይ ጉዳት የሚያደርሱና ስርቆት የሚፈጽሙ አጭበርባሪ ግለሰቦችን መከላከል እንደሚገባም ገልጿል።

You might also like
Comments
Loading...