Fana: At a Speed of Life!

የኢንዱስትሪ ፓርኮችን ከዩኒቨርስቲዎች ጋር በማስተሳሰር የስራ እድል ለመፍጠር እተየሰራ ነው

አዲስ አበባ፣ ጥቅምት 3፣ 2012 (ኤፍ.ቢ.ሲ) የኢንዱስትሪ ፓርኮች ኮርፖሬሽን ፓርኮችን ከዩኒቨርስቲዎች ጋር በማስተሳሰር ለተመራቂዎች የስራ እድል ለመፍጠር እና የቴክኖሎጂ ሽግግር ለማድረግ እየተሰራ መሆኑን ገለጸ።

የኢንዱስትሪ ፓርኮች ኮርፖሬሸን ዋና ስራ አስፈጻሚ ወይዘሪት ለሊሴ ነሚ በኢንዱስትሪ ፓርኮች እና በዩኒቨርሲቲዎች ትስስር ዙሪያ ከፋና ብሮድካስቲንግ ኮርፖሬት ጋር ቆይታ አድርገዋል።

ዋና ስራ አስፈፃሚዋ በዚሁ ቆይታቸው ፓርኮችን ከከፍተኛ የትምህርት ተቋማት ጋር በማስተሳሰር ለሚመረቁ ተማሪዎች የስራ እድልም ሆኖ የምርምር ማእከላት እንዲሆኑ ለማስቻል ጥረቶች መጀመራቸውን ተናግረዋል።

በውስን ዩኒቨርስቲዎች እየተከናወኑ የሚገኙ የጥመርታ እንቅስቃሴዎችን በማጠናከር ውጤት ለማምጣት እየተሰራ መሆኑንም ነው የገለጹት።

የዘርፉን ልማትና አስተዳደር ርእስ ያደረገ ጥናት በማከናወን ይህን መሰል ዘርፉ ላይ የተንጠለጠሉ ፈተናዎች ቆይታ በመፍትሄ ለማሳጠር ትኩረት መደረጉን ጠቅሰዋል።

የኢንዱስትሪ ፓርኮች ማረፊያ ጥጎችን ለመድረስ ዛሬ ላይ በብቁ የሰው ሀይል ለማጠናከር ከሌሎች ሀገራት የቴክኖሎጂ ቅብብሎሽ ማካሄጃ ሜዳዎችን ማስፋት ይጠበቃል ብለዋል።

በዚህም መንገዶችም የተመቹ እና የፈጠኑ እንዲሆኑ ለማድረግ እንደሚሰራም ገልጸዋል።

ፓርኮቹ የተገነቡባቸው ከተሞች ከከፍተኛ የትምህርት ተቋማት አቅራቢያ መሆኑ አንዱ ምቹ አጋጣሚ መሆኑንም ይናገራሉ።

የሀዋሳ እና የጅማ ኢንዱስትሪ ፓርኮችም ከተቋማቱ ጋር ያላቸው ጉርብትና ተማሪዎችን ከቴክኖሎጂዎች በማቀራረብ ሊገለጽ እና ውጤቱም ሊመዘን ይገባዋል ብለዋል።

የባህር ዳር ዩኒቨርስቲ የምርምር እና የማህበረሰብ አገልግሎት ምክትል ፕሬዝዳንት አቶ ተስፋዬ ሽፈራው በበኩላቸው የባህር ዳር ዩኒቨርስቲ የተመረቁ ተማሪዎችና መምህራን ተጠቃሚ መሆናቸውን ገልጸዋል።

በእርግጥ የኢንዱስትሪ ፓርኮቹ ከዩኒቨርስቲዎች ጋር የግንኙነት መስመሮች መጥበቅ ሀገራዊ ፍይዳው ከፍተኛ ቢሆንም በጅምር የሚገለጽ መሆኑን ይናገራሉ ።

በየአመቱ ከከፍተኛ ትምህርት ተቋማት ተመርቀው የሚወጡ ወጣቶች በእነዚህ የኢንድሰትሪ ፓርኮች ቅርበት ልክ መጠቀም የሚችሉበት እድል ክፍት መሆኑንም አንስተዋል።

በሀይለየሱስ መኮንን

You might also like
Comments
Loading...