Fana: At a Speed of Life!

የኢሬቻ በዓል በአዲስ አበባ በድምቀት ተከበረ

አዲስ አበባ፣ መስከረም 24፣ 2012 (ኤፍ.ቢ.ሲ) የ2012 የኢሬቻ በዓል በአዲስ አበባ በድምቀት ተከበረ።

በሆራ ፊንፊኔ በማለዳው በአባ ገዳዎች ምረቃት በዓሉ ተጀምሯል።

የገዳ ስርዓት በውስጡ ካቀፋቸው ክንዋኔዎች መካከል አንዱ የሆነው የኢሬቻ /የምስጋና/ በዓል በአዲስ አበባ ከ150 ዓመት በኋላ ዘንድሮ ሲከበር የመጀመሪያው ነው።

በበዓሉም ከመዲናዋ እና ከተለያዩ የሀገሪቱ አቅጣጫዎች የተሰባሰቡ ዜጎች በተለያዩ የኦሮሞ ባህላዊ ልብሶች ደምቀው በሆራ ፊንፊኔ ለፈጣሪያቸው ምስጋናቸውን አቅርበዋል።

ኢሬቻ በዓመት ሁለት ጊዜ የሚከበር ሲሆን፥ በበጋ ወቅት በከፍታ ቦታ ላይ የሚከበር ወይም ኢሬቻ ቱሉ እንዲሁም በጸዳይ ወቅት መግቢያ ላይ በወንዝ ዳር የሚከበረው ወይም ኢሬቻ መልካ በመባል የሚታወቅ ነው፡፡

አሁን እየተከበረ ያለው ኢሬቻ መልካ  የኦሮሞ ህዝብ የክረምት ወቅት ማለፉንና የጸደይ ወቅት መምጣቱን አስመልክቶ ለታና አደይ አበባን በመያዝ ለፈጣሪ ምስጋና የሚቀርብበት በዓል ነው፡፡

በዓሉ በተለያዩ ቦታዎች የሚከበር ሲሆን፥ የኦሮሞ ህዝብ የማንነቱ መገለጫ የሆነውን በዓል በአንድ ላይ ተሰብስቦ በየዓመቱ የመስቀል/ጉባ/ በዓልን ተከትሎ ባለው የመጀመሪያ እሁድ ቢሾፍቱ በሚገኘው ሆረ አርሰዲ ያከብራል፡፡

You might also like
Comments
Loading...