Fana: At a Speed of Life!

የኢህአዴግ ውህደት ህብረ ብሄራዊነትን ለማስቀጠል ከፍተኛ ሚና እንዳለው ተገለፀ

አዲስ አበባ፣ መስከረም 28፣ 2012(ኤፍ.ቢ.ሲ) የኢህአዴግ ውህደት ህብረ ብሄራዊነትን በማስቀጠል ረገድ ከፍተኛ ሚና እንዳለው ፋና ብሮድካስቲንግ ኮርፖሬት ያነጋገራቸው የፖለቲካ ምሁራን ተናገሩ ፡፡

የውህደቱ መሳካት የትብብር ፓለቲካን በማሳደግ ለሃገር አንድነት አስተዋፅኦ እንዳለውም ምሁራኑ አንስተዋል ፡፡

የኢትዮጵያ ሶሻል ዴሞክራቲክ ፓርቲ ሊቀመንበር ፕሮፌሰር በየነ ጴጥሮስ ገዢው ፓርቲ መሰል የትብብርና ጠንካራ የሆነ ፓርቲን ለመመስረት ዘግይቷል ነው ያሉት ፡፡

የመሪው ፓርቲ ውህደት በእህት ፓርቲዎች መካከል ያለውን መጓተት ያስቀራል ያሉት ፕሮፌሰር በየነ ውህደቱ የፖለቲካ ድርጅቶቹ እቅዶችን በአንድ ሆነው ለማስፈጸምም እንደሚያግዛቸው ገልፀዋል፡፡

በድሬዳዋ ዮኒቨርሲቲ የፖለቲካ ሳይንስና አለም አቀፍ ግንኙነት መምህር አቶ አሰፋ ካሳ፣ ኢህዴግ በውህደት ወደ አንድ ጠንካራ ሃገራዊ ፓርቲነት መምጣቱ የፖለቲካ ሽኩቻን በመቀነስ ረገድ ድርሻው የጎላ ነው ብለዋል፡፡

በአወል አበራ

You might also like
Comments
Loading...