Fana: At a Speed of Life!

የአፍሪካ ኢኖቬሽን ሳምንት በአዲስ አበባ መካሄድ ጀመረ

አዲስ አበባ፣ ጥቅምት 17፣ 2012 (ኤፍ.ቢ.ሲ) የአፍሪካ ኢኖቬሽን ሳምንት በአዲስ አበባ መካሄድ ጀምሯል።
 
ፕሮግራሙን የኢኖቬሽንና ቴክኖሎጂ ሚኒስቴር ከአይ ቢ ኤ ኢትዮጵያ እና ከሌሎች አጋር አካላት ጋር በመተባበር ነው ያዘጋጀው።
 
የኢኖቬሽን ሳምንቱ እስከ ጥቅምት 22ቀን 2012 ዓ.ም በአፍሪካ ህብረት አዳራሽ የሚካሄድ ይሆናል።
 
የኢኖቬሽንና ቴክኖሎጂ ሚኒስትሩ ዶክተር ኢንጅነር ጌታሁን መኩሪያ ኤግዚቪሽኑ የተመድ 2030 አጀንዳ እና የአፍሪካ ህብረት አጀንዳ 2063ን ለማሳካት ጠቀሜታ እንዳለው ተናግረዋል።
 
ለአጀንዳዎቹ መሳካት የአፍሪካውያንን የፈጠራ ስራዎች ወደ ገበያው እንዲገቡ እና የስራ እድል ለመፍጠር መስራት እንደሚገባ ገልጸዋል።
 
የአይ ቢ ኤ ኢትዮጵያ ስራ አስፈፃሚ አቶ አያሌው ግዛት በበኩላቸው፥ አፍሪካ የነገሮች መገኛ ብቻ ሳትሆን የቴክኖሎጂ መፍለቂያም በመሆኗ አፍሪካውያን አፍሪካን በቴክኖሎጂ ማበልፀግ ላይ ትኩረት እንዲያደረጉ ጥሪ አቅርበዋል።
 
የቴክኖሎጂ ውጤቶችን ለማስተዋወቅና ወደ ስራ እንዲገቡ ለማድረግም የተለያዩ ስራዎች እየተከናወኑ መሆኑን ከቴክኖሎጂና ኢኖቬሽን ሚኒስቴር ያገኘነው መረጃ ያመላክታል።
 
በይፋ በተከፈተው የአፍሪካ የኢኖቬሽን ሳምንት ኤግዚቢሽን፥150 ኢትዮጵያውያንና ከ50 በላይ ከአህጉሪቱ የተውጣጡ የቴክኖሎጂ ፈጣሪዎች ስራዎቻቸውን ይዘው ቀርበዋል።
 
በኤግዚቢሽኑ የአፍሪካ ህብረት አመራሮች፣የኢኖቬሽን ቴክሎጂ ሚኒስቴር ከፍተኛ አመራሮች የኖርዌይ አምባሳደር፣ የአይ ቢ ኤ ኢትዮጵያ አመራሮችና ከ40 በላይ ሀገራት የተውጣጡ እንግዶች ተሳትፈዋል።
You might also like
Comments
Loading...