Fana: At a Speed of Life!

የአዲስ አበባ ፖሊስ በአዲስ መልክ የተዘጋጀ ተጨማሪ የደንብ ልብስ በስራ ላይ አዋለ

አዲስ አበባ፣ መስከረም 22 2012 (ኤፍ.ቢ.ሲ) የአዲስ አበባ ፖሊስ ለበርካታ ጊዜ ሲጠቀምበት ከነበረው የፖሊስ የደንብ ልብስ በተጨማሪ በአዲስ መልክ የተዘጋጀ የደንብ ልብስን ዛሬ ይፋ አደረገ።

የአዲስ አበባ ከተማ አስተዳደር ምክትል ከንቲባ ኢንጂነር ታከለ ኡማ አዲሱን የአዲስ አበባ የፖሊስ አባላት የደንብ ልብስ በዛሬው እለት መርቀዋል።

ምክትል ከንቲባ ኢንጂነር ታከለ ኡማ በምረቃ ስነ ስርዓቱ ላይ፥ የከተማዋን ሰላም እና ደህንነት ለመጠበቅ ጠንካራ ስራ እየሰራ ያለውን የአዲስ አበባ ፖሊስ የማዘመን ስራ ላይ ትኩረት ተሰጥቶ እየተሰራ መሆኑን ገልፀዋል።

በዘላቂነትም የከተማ አስተዳደሩ አዲስ አበባን የሚመጥን ዘመናዊ እና የተደራጀ የፖሊስ ሰራዊት ግንባታ ላይ ትኩረት ሰጥቶ እንደሚሰራ መናገራቸውን የከንቲባ ጽህፈት ቤት አስታውቋል።

በተጨማሪነት አገልግሎት ላይ ይውላል የተባለው እና ዛሬ የተመረቀው የአዲስ አበባ ፖሊስ የደንብ ልብስ የኮሚሽኑ አርማ ያለበት ሲሆን፥ በሂደት ለሁሉም አባላት እንደሚሰራጭም ተገልጿል።

You might also like
Comments
Loading...