Fana: At a Speed of Life!

የአማራ ባንክ አክሲዮን ማህበር ከ500 ሚሊየን ብር በላይ አክሲዮን መሸጡን ገለጸ

አዲስ አበባ፣ ጥቅምት 8፣ 2012 (ኤፍ.ቢ.ሲ) የአማራ ባንክ አክሲዮን ማህበር ከ500 ሚሊየን ብር በላይ የአክሲዮን ሽያጭ ማከናወኑን አስታውቋል።

በምስረታ ላይ ያለው ባንኩ ከባለአክሲዮኖች እና ከተለያዩ አጋር አካላት ጋር በባህር ዳር ከተማ እየመከረ ነው።

በውይይት መድረኩ የመክፈቻ ንግግር ያደረጉት የአማራ ባንክ አደረጃጀት ኮሚቴ ሰብሰቢ አቶ መላኩ ፈንታ ሁለት ወር ባልሞላ ጊዜ ውስጥ ከ500 ሚሊየን ብር በላይ አክሲዮን መሸጡን አስታውቀዋል።

ይህም ከዕቅዱ አንድ ወር በፊት የተከናወነ መሆኑን ነው የተናገሩት።

እስካሁን በተካሄደው የአክሲዮን ሽያጭ ከ15 ሺህ በላይ የህብረተሰብ ክፍሎች እንደተሳተፉም ተነግሯል።

የአንድ አክሲዮን መሸጫ ዋጋ አንድ ሺህ ብር ሲሆን፥መግዛት የሚቻለው ዝቅተኛ የአክሲዮን ብዛት ደግሞ 10 ዕጣ ማለትም 10 ሺህ ብር ነው።

አንድ ግለሰብ ወይም ድርጅት መግዛት የሚችለው ከፍተኛ የአክሲዮን መጠንም 100 ሺህ ወይም አንድ መቶ ሚሊየን ብር ነው ተብሏል።
በናትናኤል ጥጋቡ

You might also like
Comments
Loading...