Fana: At a Speed of Life!

የትግራይ ክልል ምክር ቤት የምክትል አፈ ጉባኤ ሹመትና አዋጆችን በማፅደቅ ጉባኤውን አጠናቀቀ

አዲስ አበባ ፣ ጥቅምት 10 ፣ 2012 (ኤፍ ቢ ሲ) የትግራይ ብሄራዊ ክልላዊ መንግስት ምክር ቤት 5ኛ ዘመን 17ኛ መደበኛ ጉባኤ የምክር ቤቱን ምክትል አፈ ጉባኤ ሹመትና አዋጆችን በማፅደቅ ተጠናቀቀ።

በዚህም ወይዘሮ ዘይነብ አብዱለጢፍ የክልሉ ምክር ቤት ምክትል አፈ ጉባኤ እንዲሆኑ የቀረበውን ሹመት በሙሉ ድምፅ አፅድቆታል።

ከዚህ ባለፈም ለክልሉ አርሶ አደሮች የግብርና ግብዓቶች መግዣ  የብድር ዋስትና፣ የክልሉ የዳኞች የክፍያ አሰራር መወሰኛ አዋጆችን አፅድቋል።

በሁለት ቀን ቆይታው የክልሉ ስራ አስፈፃሚ፣ ጠቅላይ ፍርድ ቤት፣ ዋና ኦዲተር፣ የትግራይ መገናኛ ብዙሃን ኤጀንሲና የትግራይ መልሶ ማቋቋም ተቋም የ2012 በጀት አመት የስራ እቅድ ላይ ተወያይቶ ማፅደቁን ከኢዜአ ያገኘነው መረጃ ያመላክታል።

 

 

You might also like
Comments
Loading...