Fana: At a Speed of Life!

የብሄራዊ ደም ባንክ አገልግሎት ቋሚ ደም ለጋሾች መመዝገቢያ ድረ ገጽ አዘጋጀ

አዲስ አበባ፣ ጥቅምት 11፣ 2012 (ኤፍ.ቢ.ሲ) የብሄራዊ ደም ባንክ አገልግሎት ቋሚ ደም ለጋሾች መመዝገቢያ ድረ ገጽ አዘጋጅቶ ይፋ አደረገ።

ድረ ገጹ በጎ ፍቃደኛ ደም ለጋሾች በቋሚ ደም ለጋሽ አባልነት የሚመዘገቡበት መሆኑም ታውቋል።

አንድ በጎ ፈቃደኛ ቋሚ ደም ለጋሽ ለመሆን በድረ ገጹ ከተመዘገበ በኋላ የመሰጋና መልዕክት የሚደርሰው ሲሆን፥ በየሶስት ወሩ ደም እንዲለግስ የሚያስታውስ የስልክ መልዕክት እንዲሰርሰው የሚያደርግ ይሆናል።

በተጨማሪም በጎ ፈቃደኛ ደም ለጋሹ የለገሰው ደም ደም ለህመምተኛ ለመሰጠት ወደ ጤና ተቋም ሲወሰድ የሚያሳውቅ መልዕክት እንደሚደርሰውም ተነግሯል።

በድረ ገፁ በተከፈተ በሰዓታት ውስጥም በሺህዎች የሚቆጠሩ ሰዎች ቋሚ ደም ለጋሽ ለመሆን መመዝገባቸው ነው የተነገረው።

‪የኢፌዴሪ የጤና ሚኒስቴር እና የብሄራዊ ደም ባንክ አገልግሎት የፊታችን ቅዳሜ ጥቅምት 15 2012 ዓ.ም “ሀገር አቀፍ የደም ልገሳ መርሀ ግብር” ማዘጋጀታቸው ይታወቃል። ‬

‪በእለቱም በአንድ ጀምበር 10 ሺህ ዩኒት ደም ከበጎ ፍቃደኛ ደም ለጋሾች ለመሰብሰብ መታቀዱን የወጣው መርሃ ግብር ያመላክታል።

ከዚህ በተጨማሪም በመርሃ ግብሩ 100 ሺህ ቋሚ በጎ ፈቃደኛ ደም ለጋሾችን ለመመዝገብ እቅድ የተያዘ ሲሆን፥ በቀጣይ አንድ ወር ጊዜም 300 ሺህ ቋሚ በጎ ፈቃደኛ ደም ለጋሾችን ለመመዝገብ ታቅዷል።

የቋሚ ደም ለጋሾች መመዝገቢያ ድረ ገፁ https://bloodbank.moh.gov.et/?fbclid=IwAR1hMD4nkQAHGKZ2GJTmi5Ka8LO9ThXk4Z7e6tEmuYlhrcjIdRqPMwc3H70#/

You might also like
Comments
Loading...