Fana: At a Speed of Life!

የቀረበለት ምግብ ላይ ጸጉር በማግኘቱ የባለቤቱን ጸጉር የላጨው ግለሰብ ለእስር ተዳርጓል

አዲስ አበባ፣ መስከረም 30፣ 2012 (ኤፍ ቢ ሲ) ከቀረበለት ምግብ ላይ ጸጉር ያገኘው ባንግላዴሻዊ ግለሰብ የሚስቱን ጸጉር አስገድዶ መላጨቱ ተነግሯል።

አንዳንዴ ከምንመገበው ምግብ ውስጥ በሚያዘጋጀው ሰው አቅም ማነስ አሊያም ጥንቃቄ ጉድለት የተለያዩ ባዕድ ነገሮችን ልናገኝ እንችላለን።

ችግሩ ተከስቶ ሲገኝም ሰዎች ምግቡን ካለመብላት ጀምሮ የተለያዩ ግብረ መልሶችን ምግቡን ላዘጋጀው አካል መስጠት የተለመደ ነው።

በባንግላዴሽ የቀረበለት ቁርስ ላይ ጸጉር ያገኘው ግለሰብ በባለቤቱ ላይ የወሰደው እርምጃ ግን ብዙዎችን አስቆጥቷል።

የ35 ዓመቱ ባብሉ ሞንዳል በሁኔታው ተበሳጭቶ ምግቡን ያዘጋጀችለትን ባለቤቱን ጸጉር አስገድዶ መላጨቱ ተሰምቷል።

ይህን አሳዛኝ ድርጊት በባለቤቱ ላይ የፈጸመው ባብሉ በፖሊስ ቁጥጥር ስር መዋሉም በዘገባው ተመላክቷ።

በዚህም ባብሉ ሆን ብሎ  ባለቤቱ ላይ ጉዳት በማድረስ በሚል ወንጀል መከሰሱን ፖሊስ አስታውቋል።

ግለሰቡ በተጠረጠረበት ወንጀል ጥፋተኛ የሚባል ከሆነም እስከ 14 ዓመት በሚደርስ እስር ሊቀጣ እንደሚችል ተመላክቷል።

ምንጭ ፦dailymail.co.uk

You might also like
Comments
Loading...