Fana: At a Speed of Life!

የሶሪያ ዴሞክራቲክ ሀይሎች ከጠረፍ ከተማዋ ራስ አል አይን ለቀው መውጣት ጀመሩ

አዲስ አበባ፣ ጥቅምት 10፣ 2012 (ኤፍ.ቢ.ሲ) የሶሪያ ዴሞክራቲክ ሃይሎች ከጠረፍ ከተማዋ ራስ አል አይን ለቀው መውጣት ጀመሩ።

በአሜሪካ የሚደገፉት የዴሞክራቲክ ኃይሎቹ መውጣት የጀመሩት ባለፈው ዓርብ ቱርክ በሰሜናዊ ሶሪያ ለአጭር ጊዜ የሚቆይ የተኩስ አቁም ስምምነት ተግራባዊ ለማድረግ ከተስማማች በኋላ ነው ተብሏል።

የቡድኑ ቃል አቀባይ ኪኖ ጋብርኤል በስፍራው የሚቀር የሶሪያ ዴሞክራቲክ ሃይል ወታደር እንደማይኖር አስታውቀዋል።

የቱርክ መከላከያ ሚኒስቴርም በ86 ተሽከርካሪዎች የተጫኑ የቡድኑ ወታደሮች ስፍራውን ለቀው ታል ታምር ወደተባለችው አነስተኛ ከተማ ማምራታቸውን ገልጿል።

በአንጻሩ በቱርክ የሚደገፉት የሶሪያ አማጽያን የቱርክ ዴሞክራቲክ ሃይሎች አሁንም በስፍራው ይገኛሉ በሚል የቡድኑን መግለጫ አጣጥለዋል።

እንደ እነርሱ ገለጻ ቡድኑ 30 በመቶ በሚሆነው የራስ አል አይን አካባቢ ተንሰራፍቶ ይገኛል።

የቡድኑ ስፍራውን ለቆ መውጣት ባለፈው ሳምንት መጨረሻ ለተደረሰው የተኩስ አቁም ስምምነት ተግባራዊነት ጠቃሚ መሆኑ እየተነገረ ነው።

 

 

ምንጭ፦ አልጀዚራ

 

You might also like
Comments
Loading...