Fana: At a Speed of Life!

የሶሪያ መንግስት የቱርክን ጥቃት ለመከላከል ከኩርድ ታጣቂዎች ጋር ስምምነት ላይ መድረሱ ተገለጸ

አዲስ አበባ፣ ጥቅምት 3፣ 2012 (ኤፍ.ቢ.ሲ) የሶሪያ መንግስት የቱርክን ጥቃት ለመከላከል ከኩርድ ታጣቂዎች ጋር ስምምነት ላይ መድረሱ ተገለጸ፡፡

ቱርክ በሰሜን ሶሪያ በኩርድር ታጣቂዎች የሚመራው የሶሪያ ዴሞክራረቲክ ሃይሎች ይዞታ ስር የከፈተችውን ጥቃት ለመከላከል የሶሪያ መንግስት መከላከያ ለመላክ ስምምነት ላይ መድረሱን የኩርድ ተዋጊዎች ይፋ አድርግዋል፡፡

ቀደም ሲልም የሶሪያ መገናኛ ብዙሃንም የሀገሪቱ መንግስት በቀጣናው ሰራዊት ማሰማራቱን መዘገባቸው ተነግሯል፡፡

አሜሪካ ከአካባቢው የነበሩትን ወታደሮቿን የማስወጣት ውሳኔ ተከትሎ ቱርክ በአሳለፍነው ሳምንት ጀምሮ መጠነ ሰፊ ጥቃት እያደረገች  እንደምትገኝም ተገልጿል፡፡

አሜሪካ በቀጠናው ሽብርተኞችን በመዋጋት ረገድ በኩርድር ተጣቂዎች የሚመራው የሶሪያ ዴሞክራረቲክ ሃይሎች ድጋድ ስታደርግ መቆየቷ ይታወሳል፡፡

በአንፃሩ ቱርክ የኩርድ ታጣቂዎችን በሽብርትኝነት የፈረጀች ሲሆን ÷ ሰሞኑን በቀጠናው በከፈተችው ጥቃት ሁለት ቁልፍ ከተሞችን ተቆጣጥራለች ነው የተባለው፡፡

በጥቃቱ ከሁለቱም ተፋላሚዎች እና በቀጠናው ከሚኖሩ ንጹሃን ዜጎች በርካታ ህይወት ማለፉም እየተነገረ ነው፡፡

ግጭቱ ከተቀሰቀሰበት በስተሰሜን አካባቢ ከሚገኘው አኢን ለሳ ካምፕ 800 ያህል ከአይ ኤስ አይ ኤስ ጋር በተያያዘ ተጠርጥረው የተያያዙ እስረኞች ማምለጣቸው የኩርድ ታጣቂዎች ገልጸዋል፡፡

በዚህም የአሸባሪው አይ ኤስ አይ ኤስ ቡድን እንደገና ሊያንሰራራ ይችላል ተብሎ መሰጋቱን ዘገባው ያስረዳል ፡፡

ምንጭ፡- ቢ ቢ ሲ

You might also like
Comments
Loading...