Fana: At a Speed of Life!

የስዊዘርላንድ አዋቂ ዜጎች አመታዊ ገቢ በነፍስ ወከፍ 16 ሚሊየን ብር ሆነ

አዲስ አበባ፣ጥቅምት 13፣ 2012 (ኤፍ ቢ ሲ) ስዊዘርላንድ የአዋቂ ዜጎቿ ዓመታዊ ገቢ በነፍስ ወከፍ 16 ሚሊየን 660 ሺህ መሆኑን ተከትሎ በአለም የበለፀጉ ዜጎችን በመያዝ ቀዳሚዋ ሀገር ሆነች፡፡
ሀገሪቱ የስዊዝ ፍራንክ ጥንካሬ ከፍ እያላ መምጣቱን ተከትሎ ካላት የህዝብ ቁጥር አንፃር አጠቃላይ የህዝቡ ሀብት ከፍተኛ እድገት ማሳየቱ ተነግሯል፡፡
 
በከፍተኛ የፓለቲካ ቀውስ ውስጥ የምትገኛው ሆንግ ኮንግም ከስዊዘርላንድ በመቀጠል የዜጓቿ ዓመታዊ ገቢ ከፍተኛ ሆኗል፡፡
 
አጠቃላይ የዜጎች ዓመታዊ የነፍስ ወከፍ ገቢ በአሜሪካ ፣ ቻይና ፣ ጃፓን ፣ ህንድ እና ብራዚል እድገት ማሳየቱ ተነግሯል፡፡
 
2019 በአለም አቀፍ ደረጃ የኢኮኖሚ ቀውስ እና የንግድ ጦርነት የተከሰተበት ወቅት ቢሆንም የሀብታም ሰዎች ቁጥር ከዚህ በፊት ከነበረው ከፍ ማለቱን ክሬዲት ሲውዝ ይፋ አድርጓል፡፡
 
በሀብታም እና ደሃ ሀገራት መካከል ያለው ልዩነት እየጠበበ መሆኑ የተገለፀ ሲሆን ከዚህ በፊት የነበሩ ሀብታሞች አሁንም ቦታቸውን እንዳስጠበቁ ናቸው ተብሏል፡፡
 
ምንጭ፡- አልጀዚራ
You might also like
Comments
Loading...