Fana: At a Speed of Life!

የማህጸን በር ካንሰር የመከላከያ ክትባት በአዲስ አበባ ከተማ እየተሰጠ ነው

አዲስ አበባ ፣ ጥቅምት 10 ፣ 2012 (ኤፍ ቢ ሲ) የማህጸን በር ካንሰር የመከላከያ ክትባት በአዲስ አበባ ከተማ ከዛሬ ጀምሮ እየተሰጠ ነው።

ክትባቱ እስከ ጥቅምት 14 ቀን 2012 ዓ.ም ድረስ የሚቆይ ሲሆን፥ እድሜያቸው ከ14 አመት ጀምሮ ላሉ ሴት ልጆች በትምህርት ቤቶች እና በጤና ጣቢያዎች የሚሰጥ ይሆናል ተብሏል።

የአዲስ አበባ ጤና ቢሮ ሀላፊ በክትባቱ ዙሪያ በሰጡት ጋዜጣዊ መግለጫ በሽታው በኢትዮጵያ በሴቶች ላይ ከሚከሰቱ በሸታዎች ከጡት ካንሰር በመቀጠል ሁለተኛ ደረጃ ላይ ይገኛል ብለዋል።

ክትባቱ ምንም አይነት የጎንዮሽ ችግር የሌለው ሲሆን በስድስት ወር ልዩነት ለሁለት ጊዜ የሚወሰድ መሆኑንም ተናግረዋል።

በአዲስ አበባ ከተማ ክትባቱ በዘመቻ ደረጃ ለሁለተኛ ጊዜ የሚሰጥ ሲሆን በዘንደሮው አመት ከ23 ሺህ በላይ ለሚሆኑ ሴት ልጆች ክትባቱን ለመስጠት ታቅዷል።

 

በሀይማኖት ኢያሱ

You might also like
Comments
Loading...