Fana: At a Speed of Life!

የሐረሪ ክልል ምክር ቤት መደበኛ ጉባዔውን ማካሄድ ጀመረ

አዲስ አበባ፣ መስከረም 28፣ 2012(ኤፍ.ቢ.ሲ) የሐረሪ ክልል ምክር ቤት 5ኛ ዙር 5ኛ ዓመት 1ኛ መደበኛ ጉባዔውን ማካሄድ ጀመረ።

ምክር ቤቱ ዛሬ ጉባዔውን ሲጀምር የክልሉ ርዕሰ መስተዳድር አቶ ኦርዲን በድሪ የክልሉን መስተዳድር የ2011 በጀት ዓመት የስራ አፈጻጸም ሪፖርት ለአባላቱ አቅርበዋል።

የምክር ቤቱ አባላትም ርዕሰ መስተዳድሩ ባቀረቡት ሪፖርት ላይ ውይይት በማካሄድ ያጸድቁታል ተብሎ እንደሚጠበቅ ነው ከሀረሪ ክልል ኮሙኒኬሽን ጉዳዮች ፅህፈት ቤት ያገኘነው መረጃ የሚያመለክተው፡፡

ለሁለት ቀናት በሚካሄደው የክልሉ ምክር ቤት ጉባዔ የክልሉ ጠቅላይ ፍርድ ቤትና የዋናው ኦዲተር መስሪያ ቤት የ2011 የስራ ሪፖርት ለምክር ቤቱ ይቀርባል።

የክልሉ መስተዳድር ምክር ቤት እንዲሁም የጠቅላይ ፍርድ ቤትና የዋናው ኦዲት መስሪያ ቤት የ2012 በጀት ዓመት እቅድ ለውይይት ይቀርባልም ተብሏል።

ከዚህ በተጨማሪ የፋይናንስ አስተዳደር፣የመንግስት ሰራተኞች አዋጅ፣የተሿሚዎች ጥቅማ ጥቅም፣ እንዲሁም የክልሉ የ2012 የክልሉ በጀት ረቂቅ አዋጅና የክልሉ አዳዲስ የሴክተር መስሪያ ቤት አወቃቀርና የተለያዩ ሹመቶችን ለምክር ቤቱ አባላት ቀርቦ ውይይት ከተካሄደበት በኋላ ይጸድቃል ተብሎ ይጠበቃል፡፡

You might also like
Comments
Loading...